امبارح كان عمري عشرين

حكومة اغراق الثورة

2011-12-04T13:31:00.000-08:00

مش عايز اكتب ومش عارف اكتب من كتر اللي بشوفه هتكلم عن ازمة الانابيب و الناس اللي هم هم كل سنة بشوفهم في البرامج بتتكلم و بتتذل في الطوابير عشان الانابيب مش موجودة من بعد سيطرة الحزب الوطني و سياسة التجويع اللي لسه مستمرة لغاية النهاردة مرة يتلككوا اصل مش عارف ايه ومرة تانية يقولك اصل الجزائر منعت عننا الانابيب طيب و المرة دي الانابيب خلصتوها ع اللي في التحرير بقيت مخنوق دايما وشايل هم وقرفان و حياتي مبقتش مظبوطة و انا فرحان بده لاني كنت "شئ" تافه يا دوب اكتب كلميتين حزن في مقالة واكمل اكل و اكمل نوم عادي جدا لكن من بعد ما خالطت ناس كتير اوي غلابة بمعنى الكلمة و ناس استنت الفرج من بعد الثورة وناس استنت الحياة تتعدل بعد الثورة و شكواهم لدرجة اني بقيت امل جدا من كلام الناس ومن شكاويهم عشان مبقتش قادر استحمل فبقيت شاب هاند فري احط الهاند فري في كل المواصلات عشان مسمعش مبقتش عايز اسمع مبقتش قادر استحمل شكاوي اكتر من كده .
تحب اكلمكوا عن التحرير واللي حصل فيه والغاز المسمم و الغاز اللي اترش علينا و الناس اللي كنت بشوفهم تموت و الناس اللي باعت واللي خانت واللي طلعت جبانة اكلمك على مين اكلمك على احمد حرارة و نظرة الامل اللي شوفتها في عينه الوحيدة قبل الفقع يوم السبت في ش عيون الحرية

تحب اكلمك عن همومي و عن مشاكلي و عن الشغل وعن اعتقاداتي وعن السياسة و عن الدين و عن الشعر و عن المقالات وعن الاحلام والتاريخ و الاوهام و الطفولة و الامومة و الحنان

الحياة مبقتش قادر اكتبها واطوعها زي الاول اكلمكم اني اخر كتاب قريته يجي من شهر كده كان مذكرات "ارنستو تشي جيفارا"

وان الكتاب اللي قبله كان بن رشد احكلمكم عن الدروس المستفادة منهم طب اكلمكم عن الدرس الاول للشعراوي بسم الله الرحمن الرحيم

اكلمك عن صحابي اللي اضربوا و اتصابوا و اللي اتسحلوا واللي اتفقعت عيونهم عشان نشوف الحرية

قولي بالله عليك اكلمك عن ايه في دول وكل واحد فيهم ممكن اعمل عنه كتاب النتيجة النهاية لكل ده اني مبقتش عارف اكتب كلام زي البني ادمين يوجعك او تحسه لما تقراه قصر الكلام احسن والسلام ختام عشان اكيد فيك اللي مكفيك ومش ناقص ويمكن يكون عندك اكتر من اللي عندي و هتدخل تقولي معلش وانت وانت وانت بجد بتمنى ان محدش يقرا الكلاكيع دي عشان مبقاش سبب في نكد حد

3 سنوات

2011-11-09T17:39:00.000-08:00

3 سنين من التدوين الاليكتروني واللي عرفته عن طريق كاتبة و صاحبة مشاعر من الدرجة الاولى و كنيتها نور دلتني ع الطريق و بدأت الرحلة شوفت كتير وقليل و لسه الرحلة مستمرة في عالم الكتابة اتعرفت على كثير من الفضائل وتخلصت من الكثير من الرذائل و مازال التخلص جاري و لكن انا سعيد جدا بعامي الثالث للمدونة و التدوين الالكتروني وما حققته وما رسمت لتحقيقه في القادم

ِشهادة المشير

2011-09-25T08:32:00.001-07:00

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟

ج1 : الاجتماع كان برئاسة رئيس الوزراء واعتقد أننه بلغ

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟

ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس

س3: ما الذي أبداه رئيس الجمهورية في هذه اللقاءءات ؟

ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث

س4 : هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين؟ استعمال قوات الشرطة القوة ضد المتزاهرين بما فيها استخدام الاسلحة الخرطوش والنارية من 25 يناير حتي 28 يناير؟

ج4 : ليس لدي معلومات عن هذا واعتقد ان هذا لم يحدث

س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟

ج5 : ليس لدي معلومات

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟

ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟

ج7 : ليس لدي معلومات

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟

ج8: إنا معنديش معلومات بكده.. الاحتمالات كتير لكن مفيش معلومة عندي

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟

ج9 : إنا معرفش ايه اللي حصل

س10 : هل تستطيع سيادتك تحديد هل كانت هناك عناصر أخري تدخلت ؟

ج10 : هيا معلومات غير مؤكدة بس اعتقد ان هناك عناصر تدخلت

س11 : وما هي تلك العناصر ؟

ج11 : ممكن تكون عناصر خارجة عن القانون

س12 : هل ورد لمعلومات سيادتك ان هناك عناصر اجنبية قد تدخلت ؟

ج12 : ليس لدي معلومات مؤكدة ولكن ده احتمال موجود

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟

ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه

س14 : ولمن يصدر رئيس الجمهورية علي وجه العموم هذه الأوامر ؟

ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك

س15 : وهل يجب قطعا علي من تلقي أمر تنفيذه مهما كانت العواقب ؟

ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقشه

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا?

ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا

شعب مُعدي

2011-08-06T14:55:00.000-07:00

توصف شعوب لعالم وتصنف بسِمة غالبة على طباع افراده ومجتمعه فللتذكير مثلا هناك

الشعب السوداني

شعب كسول جداً حتى انه من فرط كسله يستخدم في جلبابه شكل المربع عشان لو لبس الجلبة من ورا او من قدوم يلاقيها معدولة و بيحط جيب شمال فدائما نجد جيب في قفاه .

الشعب الهندي

شعب سلمي لابعد حد بعيداً عن الافلام الهندي اللي بيستخدموا فيها اكشن من نوعية عفى عليها الزمن واسرف الى انهم شعب سلمي فالشعب الهندي ظل يناضل ضد احتلال يسرق ويغتصب و يحرق ويقتل بالسلم ولم يستخدماو العنف الا فيما ندر .

الشعب المصري

ااااه هنا تكمن المشكلة هتلاقي هنا قمة الاختلاف والتناقض المباشرة طيب زي كمال ابو رية و شرير زي غسان مطر وعصبي و مزاجنجي وبيضحك ونكدي وبطل و خانع و مقدام و خوّاف

الشعب المصري معروف بالعدوى يعدي بعضه البعض وهنا نضرب الامثال لعدوى الشعب المصري

ساعة الماتشات

كل الشعب تلاقيه بيتفرج وبيتابع حتى اللي ملهمش فيها ويفضل يتكلم في التكتيك والتغييرات و ده بدل ده كله ساعة الماتش بيبقى محمود الجوهري و ابو تريكة و الخطيب و حسن شحاتة في قلب بعض

ساعة الثورة

بمجرد ان الناس شافت الشاب اللي وقف ادام المدرعة انتقلت هنا عدوى البطولة الى الشعب والشباب باكمله فرأيت اناس يقدمون على بطولات اكثر من شاب المدرعة و الكل نفر الدم في عروقه يعني هو الواد ده ارجل مني فرأينا ما رأينا من بطولات فائقة يوم 28 ويوم موقعة الجمل

برده ساعة الثورة

بعد خطاب المخلوع عمو حوستي يوم 1 فبراير واللي قال يحز في نفسيتي و اللي قال فيه عايز اموت على ارض مصر الشعب بيتعاطف معاه والناس تاني يوم ومع التعتيم الاعلامي كله بيقول خلاص بقا كفاية حرام الراجل كبر ده عجز وهنا ظهرت آفة انا اسف يا ريس

برده ساعة الثورة

بعد موقعة الجمل وبعد قتل القناصة وبعد الانتقال من التلفزيون الملاكي الى الجزيرة والعربية و اون تي في الكل اصبح بطل وعايز بلطجية يجوا عشان يفش غله فيهم ولذلك رأينا مليونية يوم 4 فبراير تأن منها شوارع مصر اكثر من 6 ملايين مواطن محشورين في ميدان التحرير وميدان طلعت حرب وسعد زغلول و اماكن كثيرة

تاني يوم الثورة

ميدان التحرير تم تنظيفه على اعلى مستوى "تم لحسه بالسنتنا " فخرجت الفكرة من هنا وكل بقا بينضف الشوارع ويدهن الارصفة وعلم مصر ييزن كل البيوت و الان يا حسرة على الشوارع

بعد الثورة بشوية

الكل راغب في الاستقرار و في دفع عجلة الانتاج وعشان البورصة ما تتهزش والبعض لا يعرف ما يردده ما المقصود

العيّنة بيّنة

دخلت المترو كان في زحمة وواحد بدأ يهاجم الثورة والمعتصمين و الحاجات اللي اتعودنا عليها دي دايما ولاقيت اتنين بدأوا يتكلموا والناس بتبص عليه وهتبدأ تشارك في وليمة الثورة

عندما تدخلت بالرد على ما قاله و فندتهوله بدأت الناس تعود الى ادراج الثورة سالمة واصبحت مع الثورة

الشعب المصري بيحب ركوب الموجة ومع الرايجة وهي احدى سمات الطبيعة البشرية للمصريين وهو شعب العدوى بمجرد ظهور حالة واحدة فيه يتعرض الشعب كله الى عدوى ولكنه شعب بيمل بمسرعة فبيرجع لعادته من جديد

اذكر ملامح الموجة التي رأيتها :D

ازمة ميكروباص!!

2011-08-04T16:20:00.000-07:00

ايه ده هو فيه ايه

الميكروباص كله في بؤ واحد نطق الكلمة دي وبدأت بقا اسئلة من نوع مين دول ؟؟ هو فيه زحمة ليه ؟؟ هو فيه ايه ؟؟ ولا واحد عارف فيه ايه ؟ بدأ الموضوع بشوية فتايين يا عم دول بلطجية ؟؟ واحد من ورا : لا لا يا جدعان دول بتوع الحزب الواطي؟؟ رديت بعد مجموعة هذي : يدول بتوع مخيم السلام

الحكايةان

ده كان اول يوم لاعتصام اهالي مخيم السلام للمطالبة بشقق ام ماسبيرو ومعنى ان فيه اعتصام ادام ماسبيرو يعني الطريق تحرير امبابة مقفول وبما اني كنت في التحرير فصباح الاذى عشان اوصل لامبابة طبعا العملية كانت خنيقة واللي يشتم واللي يلعن واللي يسب ولما جيت اقولهم الناس معاها حق في المطالب بس ميقفلوش الكورنيش لانهم كده كده قافلينه مش عشان كثرة عددية لا ده عشان هو كده

الفكرة

بدأت بخروجنا من موقف عبد المنعم رياض متجهيين لناحية ماسبيرو ازاي بقا نوصل ونعدي بالميكروباص من خلال المعتصمين اللي قافلين الطريق السواق سلك طريق العكسي على اساس ان ده هو الصح لكن وقعنا في مشكلة ان الطريق رايح وجي مقفول بدأت الناس تتخنق وتلعن وتسب في اللي قاطعين الطريق و في السواق عشان داخل عكس اخويا قاله : اطلع الكوبري بتاع اكتوبر وانزل الزمالك قام واحد قال من ورا كده من الناس اللي عمالة تشتم قاله : انزل العجوزة يا اسطى كنا وصلنا ادام نزلة الزمالك عند العوامات وورا الماريوت اول ما نزلنا يا دوب 10 متر كده لاقينا الشارع مقفول على اخره المهم سنة سنة وواحدة واحدة لاقينا ينفسنا ادام كوبري 15مايو ممكن ننزله وناخد حتة عكس من عند الوكالة ونبقى كده فادينا الاعتصام و عدينا الناحية التانية بسلام

و ممكن نكمل في الزمالك ونطلع عند الكيت كات بس اليوم كان الخميس والزمالك الخميس مفيهاش موضع قدم اتشاورنا وقلنا انه يطلع الكوبري 15 مايو وياخد حتة العكس دي عشان نوصل للهدف بتاعنا وهو عبور الاعتصام يا دوب الراجل نزل من عند 15 مايو وبقينا على كورنيش التحرير في الاتجاه اللي رايح التحرير المفروض نلف بقا لاقينا زحمة اوي وبدأت الشتيمة واللعن و ينعل ابو الاعتصامات ودي ثورة مش عارف ايه و دي ناس مش عارف ايه المهم اخترقنا الزحمة وعدينا كل ده وبقينا في الطريق السليم والطريق ماشي

دلوقتي

كل اللي ورا عمله عبط وبصيت لاخويا وقلتله: دلوقتي نشرب نخب الانتصار

الزتونة بقا

1*كان عندنا مشكلة وهي اننا ازاي نعدي من الاعتصام عشان نوصل لامبابة بكده كان فيه هدف قريب وده لازم نتغلب عليه عشان لازم نوصل للهدف التاني

2* لو سمعنا الكلام وفضلنا نشتم في السواق كان هيخرج عن شعوره و هيفضل يتخانق معانا وكنا احتمال نبات قهراً في القسم

3* لو كان كل اللي في الميكروباص اتخانقوا مع بعض و قعدنا نشتم في بعض ونسينا الهدف وهو اننا نعدي

تخيل معايا كده

لو كل واحد فينا او كلنا بعدنا عن التوك شو وبدأنا نحل في مشكلة او ندور على حل للمشكلة بدل اما نقعد نتخانق ممكن رأي واحد بس فينا هو اللي يمشي ممكن يوصلنا او ممكن يغرقنا لو وصلنا كتر خيره لو غرقنا نقله لا نعيد من تاني

تخيل تاني كده

لو كل الناس اتفقت انها عايزة تروح المكان ده و بالوسيلة دي وكلنا هنفضل ورا الوسيلة دي عشان تنجح باي شكل

معلش تخيل تالت كده

لو فعلا كل واحد مدعي سياسة ومدعي ديموقراطية ومدعي حوار"حمار " قعدوا اتكلموا او قعدنا "شباب" من مختلف التيارات واتحاورنا مش اتخانقنا

لازم بجد عشان نخرج من الزنقة دي لازم نعمل حالة حوار

مش حالة حمار

ملحوظة **الحكاية بجد مش هزار والدرس بجد مش هزار ويا رب نخرج من حالة الحمار

أُمّة جَهلت باقرأ

2011-08-03T15:35:00.000-07:00

خُلق الانسان ليكون رسالة الله على الارض ففي قوله تعالى تفسير لذلك المنطق وحوار الله سبحانه وتعالى مع الملائكة في قوله تعالى بسم الله الرحمن الرحيم" وَإِذْ قَالَ رَبُّكَ لِلْمَلاَئِكَةِ إِنِّي جَاعِلٌ فِي الأَرْضِ خَلِيفَةً قَالُواْ أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاء وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لاَ تَعْلَمُونَ {30} وَعَلَّمَ آدَمَ الأَسْمَاء كُلَّهَا ثُمَّ عَرَضَهُمْ عَلَى الْمَلاَئِكَةِ فَقَالَ أَنبِئُونِي بِأَسْمَاء هَـؤُلاء إِن كُنتُمْ صَادِقِينَ"

وهنا الله سبحانه وتعالى يتحدث مع ملائكته في قضية خلق الله للانسان وان الملائكة قالت لله عن الانسان انه سيفسد في الارض و يسفك الدماء ونحن افضل منه بالتسبيح وبالتقرب اليك وكأنهم يقولون لله تعالى نحن افضل ما خلقت بالعبادة لماذا خلق الانسان ؟ فهنا جاء رد الله سبحانه وتعالى "وعلّمَ آدَمَ الأسْمَاء" اي ان الله خلق ادم عليه السلام ثم علّمه الاسماء فأصبح بالعلم النافع اعلى مرتبة من الملائكة وهنا تأتي قضية العِلم كأولى رسالات الله للانسان بالتعلم واولى رسالات السماء في القران الكريم لسيدنا محمد صلى الله عليه وسلم فكما في الرواية الشهيرة ان سيدنا جبريل عليه السلام نزل الى سيدنا محمد في غار حراء وهو يتعبد فأقرأه السلام ثم قال له :اقرأ فرد الرسول صلى الله عليه وسلام :ما انا بقارئ

فكرر عليه سيدنا جبريل رسالة السماء :اقرأ فقال سيدنا محمد ما انا بقارئ ثم في الثالثة كرر عليه الرسالة سيدنا جبريل فقال صلى الله عليه وسلم : ماذا اقرأ

فردد عليه سيدنا جبريل اولى ايات القران التي حملت بين اياتها وفي ثنياتها رسالة الله للارض واهلها ورسالته من خلق الانسان فقال الله تعالى " اقْرَأْ بِاسْمِ رَبِّكَ الَّذِي خَلَقَ {1} خَلَقَ الْإِنسَانَ مِنْ عَلَقٍ {2} اقْرَأْ وَرَبُّكَ الْأَكْرَمُ {3} الَّذِي عَلَّمَ بِالْقَلَمِ {4} عَلَّمَ الْإِنسَانَ مَا لَمْ يَعْلَمْ {5}"

فهنا الله سبحانه وتعالى يقول ويُعلّم الانسان ان يقرأ باسم الله وهنا تأتي ثاني رسالة بعد القراءة ان الانسان عليه ان يتعلم ما يفيد لكي يكون مباركاً من الله سبحانه وتعالى ذلك العلم فكم رأينا ان البارود وهو يمثل قمة العلم قد استخدمناه في الحروب وبازهاق الارواح البشرية كما تم استخدام العلم في القنبلة النووية التي تقتل الملايين وتبيد الناس دون وجه حق و دون وجه ذنب فالله لم يكن هذا مبتغاه من العلم ولكن اراد الله ان يتعلم الانسان لكي يفيد به البشرية ولكي يستفيد منه الانسان في تعمير الارض

وهنا تأتي القضية الثانية من سورة العلق" خلق الانسان من علق " فهنا الله ينزل الوحي على سيدنا محمد ويقول له في ثاني اية من القران تلك القضية الخطيرة مع وضع الاعتبار ووضع في الحسبان تلك البيئة الجاهلية التي لم تكن بها حضارة كحضارات الاغريق او المصريين القدماء او البابليين فلم يكن العلم يشق طريقه في تلك البيئة الجاهلية

وتأتي رسالة اخرى في قوله تعالى "وعلّم الانسان ما لم يعلم " وهذا حق كيف كان يعرف الرسول وهو الامي الكريم بان اصل الانسان كان نطفة ثم علقة فالعلقة هنا هي المرحلة الثانية من تكوين الانسان في رحم امه فكيف هنا الله سبحانه وتعالى ضرب المثل للانسان بان عليه التعلم فليس مقتصر العلم على علوم الدين فقط ولكن مرتبط بكل علم يفيد الانسان والانسانية ويساعد الانسان في تدعيم رسالته في الارض بالتعمير .

فنصل بهنا الى غايتنا والى هدفنا بان الانسان رسالة الله على ارضه و رسالة الانسان هي العلم والتعلم فيما يفيد نفسه ويساعد بتقدم الانسان غاية في التقرب الى ربه فالله لن يسأل الانسان عن رأيه السياسي ولا عن رأيه في الاهلي والزمالك ولكن سيسأل الله الانسان عن رسالته التي انزله الله تعالى وخلقه بسببها هل اديتها ام تركتها ؟هل تعلمت ام جهلت ؟ هل نفعت بعلمك الناس ام ضررت ؟ هل نفعت الناس في شغلك ام كسلت ؟ فالعلم هنا فريضة واجبة مثلها كالصلاة والصوم و التقرب الى الله فالانسان الجاهل يضر برسالته اكثر من ضرر الانسان بعدم صلاته مع اهميتها بالقطع والوجوب عليها .

" لن اكن متحدثً عن الاسلام فالاسلام اكبر من ان يتحدث عنه جاهل مثلي ولكني قرأت وفهمت فهذا ما فهمت قد اكون مصيب وقد اكون اخطأت "

متلاصقة ستوكهولم

2011-08-02T17:00:00.000-07:00

هذه الحالة النفسية

التي تعرف بمتلازمة ستوكهولم التي ظهرت في عام 1973 في السويد بعد ان اقتحم ملثمون البنك في سطو مسلح واستمروا بالبنك مع رهائنهم لمدة 6 ايام وبعد ان تم فك اسر الرهائن تعاطف الرهائن وبدأوا بالدفاع عن خاطفيهم و هو حالة تعاطف " المجني عليه مع الجاني "

ايوة بالظبط كده انا قفشتك وانت مستغرب اوي من كلمة تعاطف المجني عليه مع الجاني ومتستعجبش اوي عايز تشوف المتلازمة دي انزل بس الشارع و اركب ميكروباص ونقيه يكون هيمشي مسافة كبيرة واتكلم عن الثورة بس

في اثناء الثورة تلاقيه بيقول عيب ده راجل كبير اد ابوك "يا عم انت ابويا في البيت وعيب لما تدعي على مامتك حاجة زي دي"

بعد اول خطاب ما خلاص بقا ارجعوا عشان اقتصاد البلد وهو قال هيصلح سيبه ده برده رئيس يعني "حضرتك ده بقاله تلاتين سنة بيكدب كدب الابل"

بعد موقعة الجمل ارجعوا بقا عشان خايفين عليكوا وكفاية الشهداء اللي راحوا ده ممكن الجيش يضربكوا

بعد تاني خطاب ملكوش حجة كده بقا هيصلح كل حاجة و مشي حبيب العادي وكله هيرجع تمام "امشي ياض من هنا بدل اما اضربك"

بعد التنحي خلاص ارجعوا بقا عشان البلد تمشي واهو مشي بقا يا جدعان والميدان موجود هتروحوا منه فين يعني " نفس الناس اللي اعترضت على نزولنا يوم 8 يوليو"

قابل بقا يا معلم هتلاقي كلام من اللي هو بقا

هما بيعملوا ايه ؟

عايزين ايه .مش خلاص خربتوها؟

فين ايامك يا مبارك "الجملة دي بتتقال على استحياء شوي "

انت مسمعتش الشعراوي بيقول الثائر الحق ؟

لو كنت زي حلاتي غلبان من اللي اتضربوا في التحرير و اللي شافوا يوم منيل بداية اني افتكرت يوم الجمعة سواق الميكروباص امن دولة و بدأت اشك في اللي جنبي لانه رايح مسجد الاستقامة و بدأ يكلمني و نهعاية من انك تغمض عينيك عشان ترتاح من الضغطك اللي عليك متشوفش غير اسود في اسود كلهم عساكر امن مركزي

وكنت غلبان زي حالاتي من الناس اللي اتمرمطت واللي حلفت لتموت في سبيل تراب البلد دي و اللي يوم10/2 حس انه نفسه يموت بدل اما يسمع خطاب مبارك وهو بيقول "سأظل..."

ومن الناس اللي اتجننت يوم 11/2 بفرحة هستيرية خلتك تنط فوق صاحبك او تحضن واحد او واحدة جنبك جامد اوي وتقوله انتصرنا و تسجد لربنا

ولو كنت من الناس اللي نامت ع الرصيف واللي خسرت اصحابها عشان الليف ي التحرير

او كنت من الناس اللي مدقتش النوم عشان فيه بلطجية جايين وبيعدي عليك واحد بفيزبا يقول كدا "ايوة ما هو عدا عليا انا كمان "

اذا كانت هناك في السويد متلازمة فهنا في مصر سارت متلاصقة بيحث انها جزء لا يتجزأ من الانسان الستوكهولمي

لو عديت بأي مرحلة من دول واستمريت لغاية النهاردة يبقى استحالة هتسكت على اسئلة المتلاصق الستوكهولمي ده لانه مش مطلوب منك ابدا انك تسكت على واحد كنت هتضيع عمرك عشانه وهو بيقول انتوا عايزين ؟

وممكن بقا المرض ده يكون متوغل بداخل انحاء الانسان الستوكهولمي بحكم عِشرة 30 سنة اذا كان المرض الاصلي ظهر في 6 ايام فما بالك بقا ب30 سنة واحد مذلول مطحون مخنوق محني مركوب طول السنين دي وانت جاي يا عيل انت تقوله قوم انت كنت بتضرب على قفاك ايش فهمك انت ؟ ده انت لسه صغير ومتركبتش يعني

المريض ده بيخاف يفتح عينيه ليلاقه نفسه ضعيف اه مهما كانت الشخصية ضعينة الى انه يرفض بالضعف

وفيه مريض تاني بيخاف يعترف فبيظل عابد للطاغية على طاغوته يعني من الاخر هو مصدق وعايز يصدق انه كان كويس وان كل ده وهم

اول ما تلاقي المريض ده اوعى تسكت لان الشعب المصري معروف بالعدوة بعد موقعة الجمل الشعب كله بقا ثورجي و بعد التنحي الشعب كله بقا توعوي و بعد الاستفتاء الشعب كله بقا قانوني و ساعة الماتشات الشعب كله بيبقى المدير الفني وابو تريكة في نفس ذات الوقت

فحضرتك بقا لو سكت على المريض الستوكهولمي ده هتلاقي الحالة انتشرت في الميكروباص او يكون ربنا بيحبك وتبقا في مترو ساعة ضهرية هتلاقي الناس كلها عمّالة تتكلم على الثورة

وخد بس انت موقف المدافع و المهاجم للثورة وفكرهم كده اه "ان الذكرى تنفع المؤمنين" بقوله تعالى انا مبألفش كلام يعني هتلاق حالة العدوة دي بقت منتشرة في المكان اللي انت واقف فيه والكل بدأ يتكلم معاك

ايها المريض الستوكهولمي من بتوع احنا اسفين يا ريس لما نأسف يوماً على اننا متركبناش صح او على اننا متظلمناش او ممتناش في عبارة او من فوق كوبري او في قطار الصعيد او في مسرح بني سويف او ممتناش في مستشفى اتقطع الكهربا عنها بالساعات

ايها السليم من متلاصقة الستوكهولم لا تعجب من رجل ظل محني طول 30 سنة ظل يطأطأ رأسه ويتضرب على قفاه حتى جيت انت بجلالة قدرك ورفعت

رأسه فوووووووووووووووووق لانه مــصـــري

بني سعود ..

2011-08-01T15:04:00.000-07:00

منذ اعلان تأسيس بلاد الحجاز تحت مسمي المملكة العربية السعودية وهي لا تمت باي صلة لبلاد العرب فهي تعمل دائم وفق هوى ال سعود وكان ذلك عام 1932 م.

البداية

كانت مع التأسيس للدولة المقامة حديثة وبزوغ نجم ال سعود رأت بريطانيا انه الجواد الرابح في تلك المرحلة بعد افول نجم الاشراف واكتفاهم بمنزلتهم الدينية فقط وبدأت بريطانيا كعادة الثعلب المكار في اغواء عبد العزيز بن سعود بصداقتها ومعاهداتها التي لا تخرج منها بريطانيا الا فائزة بكل الامتيازات المشروطة والمقيدة للجانب الاخر .

مع قوة عبد العزيز بن سعود في شبه الجزيرة العربية بدأت بريطانيا تأخذ الحيطة والحذر من ذلك الشهاب المنطلق فبدأت في استمالته ثم ارتبط مع بمصالح ثم بدأت في تقويده وتقيده باتفاقيات مع جيرانه يتحدد عليها مصالح بريطانيا في هيئة مصالح السعودية فعاشت السعودية تفتقر الى اي موارد تستطيع قيام دولة حرة فبدأت في شكل منح من بريطانيا لال سعود لكسر عينهم واجبارهم على توقيع الاتفاقيات بطيب خاطر ثم انتهت فالبحث عن الكنز الاسود في اراضي المملكة كاملة فأصبحت منذ ذلك الوقت دولة غربية باحتواء بريطانيا للاقتصاد البترولي في السعودية

بدأ الشارع العربي يتحرك نحو الثورات لزوال الانظمة العربية الفاسدة ربيبة الغرب وذلك بعد ان انكشف كل شئ بعد حرب 1948 وهنا اتى انقلاب الجيش المصري على الملك فاروق واخراجه من مصر في 23يوليو 1952 لتكون بذلك رائدة الثورات في العالم العربي ثم ساعد في ذلك الدور تولي جمال عبد النار لموقع الريادة بعد عزل الرئيس محمد نجيب في1954 ومن هنا بدأ عبد الناصر بفكره القومي العربي فبدأت عام 1962 حرب اليمن بين المملكة المتوكلية اليمنية و الجمهورية العربية اليمنية و من الاسم الثاني تضح معالم الوفاق بين هذه الفصائل وبين فكر عبد الناصر العربي فبدأ بمساندة اليمن من راديو اذاعة العرب ثم تحول ذلك الى ارض الواقع بمساندتهم بلوءا مصحوب بالطائات ولكن هذا لم يكن كافياً في مواجهة ملكية اليمن و مع خوف السعودية من المد الثوري الناصري بدأت في تدعيم الجبهة الملكية بالجيش السعودي على حدود اليمين لتدعيم الامام احمد بن يحي ضد الظباط الاحرار اليمنيين ثم انتهت الحرب اليمنية بانهزام الملكية امام الجمهورية اليمنية و احتضنت السعودية الامام احمد بن يحيي ومن هنا كان العداء بين ال سعود وعبد الناصر فلم تكن العلاقة ابدا على ما يرام فنظر عبد الناصر اليهم كديكتاتورية ونظام ملكي مناهض للاصلاح والقومية العربية.

هذا الاحتضان للامام احمد بن يحيي و ابنه بدر يشعرنا بأن هناك شئ ما مشترك بين ثورة اليمن وثورة الياسمين ثورة تونس 2011 حيث هي الدولة الوحيدة التي قبلت احتضان زين العابدين بن علي رئيس تونس الهارب والمخلوع بعد انباء عن هروبه لفرنسا ثم الى دبي ثم الى اكثر من مكان الى انهم كلهم تم رفض طلب بن علي في اللجوء السياسي اليها وقبلت السعودية بذلك وقبل ال سعود احتضان مجرم ارتكب في حق شعبه الكثير والكثير من الجرائم و ارتكب في ثورة الياسمين مذابح لابناء شعبه الذين طالبوا بحرية وعيش كريم

علينا ان نسأل انفسنا

لماذا السعودية احتضنت الامام احمد بن يحيي في خمسينات القرن والان تحتضن بن علي ؟

هل اقامت السعودية ما تعهد به عبد العزيز بن سعود مع الامام محد بن عبد الوهاب باقامة شرع الله ؟؟

الان في السعودية يحاكم كل من يتكلم وتعذيبه بابشع الصور؟

لماذا صمت الرئيس المخلوع حسني مبارك اما جلد ال سعود لطبيب مصري لم يرتكب اي ذنب؟

تم تعذيب مواطن لان هاتفه يحوي صورة بن لادن؟

ماهية الاجندة التي تعمل بها السعودية متمثلة في ال سعود وصداقتها مع دولة استعمارية قديما وهي بريطانيا وصداقتها الوطيدة الان بامريكا وصيانة مصالحها في الشرق؟

علينا ان نفرق بين ال سعود وسعوديتهم و بين بلاد الحجاز المكرمة بمكتها وبقبر الرسول قلى الله عليه وسلم

فتلك بلاد وتلك بلاد البعد بينهم مسافات وأزمنة فهناك في ال سعود الشرع يحكم على الضعفاء وعلى من يتفوه في حين يترك الكبار واما عن تلك البلاد فاقام فيها المصطفى شرع أعمى لا يرى لذلك لا يفرق بين وزير وبين خفير فرحمة الله على بلاد وعلى شعب قبل الهوان قبل الانتساب الى فرد واحد

زقزقة تحرش

2011-06-20T04:07:00.000-07:00

في البداية

انا مش عارف التحرش ده جالنا منين حاسس انه كوكب فضائي ونزل علينا في مصر ؟ يعني فجأة كده لاقينا الناس بتقول ايه ده ده واحد اتحرش بواحدة ايوة حضرتك يعني ايه تحرش اصلا ؟ يعني يا عم ضايقها ؟عاكسها يعني ؟لا مد ايده ؟ وضربها ؟ ولا وعمل "زقزقة عيال" يا نهار ابوه اسود وهي عملت ايه ؟ سكتت عشان مؤدبة!!!!

دي كانت اول مرة

اسمع فيها عن حكاية التحرش تقريبا كان بداية الالفية و معرفش ده ليه علاقة بشاكيرا ولا لأ وبعد كده بدانا نسمع تدريجيا عن .

"وجريت وراه و رحت ضرباه موقعاه"

ده كان رد فعل واحد زميلتي في ثانوي رداً على ان حرامي سرق سلسلتها وطبعا الراجل ده الله يرحمه واتمسك .

سفاح المعادي !

ايوة يعني بيعمل ايه ؟ بيعور البنات في ال..." زقزقة شباب" ايه ده يا عم وازاي بيعمل حاجة زي دي في الشارع ؟ اصله بيبقى راكب موتوسيكل وبيطير طب والناس والحي ومبيتسرخش مفيش اي اغاثة لأ..

سعار جنسي في الشارع المصري

هكذا تفوهت منى الشاذلي ناقلة لي ما حدث في شارع جامعة الدول العربية عبر شاشة برنامجها يومها كدت ابكي دماً على ما حدث وكنت حينها في دولة الامارات العربية الشقيقة بان شباب كثير قد تحرش بثلاث بنات في الشارع علناً دون مجيب حتى تجمع شباب المحلات واخرجوهم من قبضة الحيوانات .

حينها عرفت

ان هناك في الامارات رقم هو 911 وهو الاغاثة السريعة او شرطة النجدة او "انجاد" كما يُقال هناك وهنا علمت ان الحكومة وضعت حرية المرأة و اغاثتها فوق كل القوانين وفوق كل الحدود هنا في الامارات المرأة كما حمى الملك اياك وان تقترب منه فستنال حينها اقصى العقوبات والغرامات بل وعلمت ان الجرائد تشهّر بهذا الرجل الذي ضايق امرأة على صفحات الجرائد ويتم وضع اسمه بالكامل و صورته وعمله في الصفحة

في مصر قديماً

عندما كان يعاكس شاب فتاة ويُمسك به كان بيتحلقله زيرو عشان الناس تعرفه وتبقى معلذمة عليه

.......

في كل هذه الحكايات

نخرج ان رد فعل الفتاة تجاه المتحرش هو بمثابة جرس انذار لان يقترب منها اي شخص فعندما تسكت يكرر الحيوان فعلته في فريسة اخرى اما اذا لقنته درساً في فنون الكيك شبشب او فنون كيف تضرب بالكعب العالي او ناولته من المنقي يا خيار حينها سيحرم تمام وهنا لو القينا نظرة على البنات اللاتي يتحرشن بها الشباب نجدها فتاة يبان عليها انها مؤدبة اما اذا كانت فتاة بعباية سمراء طابع عليها الحي الشعبي فانه لا بيعاكسها ولا بيتحرش بيها خوفاً من لسانه السليط

ومن زقزقتي

بقولها "لسانك حصانك" ويا ريت كمان كل البنات " تسترجل وتضرب بيريل" عشان تضرب المتحرش

..........

نجد هنا التشهير

علامة مميزة للمتحرش وهو " بمثابة يادي الجرصة ام حناجل " فيعرف ويتعظ من تراوده نفسه للتحرش ان لا يتحرش

..........

القانون هو الحل

في كل البلاد التعدي على الخصوصية كما انتهاك حمى الملك عقوبته مغلظة و خصوصا ان كانت امرأة

نفسي اعرف مين اللي زق التحرش في مصر ؟؟

وفي الاخر بقول للبنات والشباب استرجلوا بعد الثورة واضربوا اي حد بينتهك حرمة اي حد سواء بلفظ او بلمس .

بلوجي حبيبي

2011-06-13T14:24:00.000-07:00

احلى حاجة في هجرة البلوج بتاعي اني لما رجعت ابص عليه ملقتش حد بيتابعه وده بيديني فرصة ذهبية للكلام بكل حرية واباحية لان كده كده محدش هيدخل ولا حد هيعرف عنه اي بوست بن كلب هع هع هاااااااااااي ايوة ما احنا اللي غلبنا الشرطة و قبضنا ع الجاسوس । الحياة خلاص بقت لا تطاق كل حاجة فيها مزيفة مشاعر مزيفة وضحك مزيف وسعادة مزيفة حتى انا بحس اني بضحك على نفسي باني عم الواثق بقا الفيلسوف المثقف المؤرخ الشاعر الكاتب وانا يمكن فعلا اكون بحب الكتابة بس اكيد مش تسعميت حاجة في بعض ما انا مش ماجنزر مثلا
بس انا مؤمن بقلمي وبكتابتي وبحس انها بتوصل للناس و انا بكتب مش لغرض الكتابة ولكن عايز اقدم رسالة للناس । انا بعتبر المقال اللي يقراه الواحد ويخرج منه زي ما دخل بعتبر الكاتب بجمون كبير لانه مقدرش بثقافته "ده مع التسليم انه عند الكاتب ثقافة " يوصل المعلومة للقارئ بشكل بسيط । بس انا هنا مش عشان اقول لنفسي عن الكتابة انا هنا عشان اقول اني بجد محتاج حضن حنين كده الواحد يترمي فيه بكل قوته ويدفس راسه و يحلم ويناااااااااااااااام و يشيل عنه هموم هو ميعرفش مصدرها من انهي حتة الواحد وحشه احساس انه يحب ويتحب بس انا عمري ما هحب حب الاحتياج للحب بس انا بيني وبين نفسي" ما هو محدش بيقرى الكلام ده " بيني كده شكلي هقع واقف قريب او بدأت اندب في حب واحدة كده بيني وبين نفسي برده فيها كده كل حاجة على بعض حلوة مفيهاش عيب كده "اكمن مراية الحب عمية " عموما بقا اانا نزلت اتخانق كده حسيت اني خرجت الشحنة اللي جوايا بس الحمد لله الخناقة سليمة كانت عبارة عن بؤ الواحد ظرفه بعصبية و خلص نفسه من طاقات كتير وده بقا اللي واحد بتوحشه الرياضة عشان كده بيطلع فيها الغل كله بيروح صافي كده زي البفتة البيضة اينعم الواحد خلال خمشراشر يوم بيبقى شبه البغل وبيحس انه فيه قوة كده زي الفل بس بردخ بيبقى الواحد مفيهوش حيل او ملهوش نفس يتخانق
عموما قشطة بقا سلامو عليكو

نـــــــور

2011-05-05T15:18:00.000-07:00

يمكن المرة دي هبعتلك وانتي مش هتشوفي الرسالة غير كل مرة لما كنت بكلمك كنت بلاقيكي اول واحدة تشوفيها وتفهميها و تقري مغزاها دلوقتي افتكرتك بعد السنين دي كلها معرفش ليه حسيت انك حواليا معرفش ليه بالذات في الوقت ده
البعد بينا كان قدر يمكن عارف انك بعيدة عني ويمكن المسافات بينا بلاد وبلاد بس القرب في لحظة شاردة بييجي اوام والمرة ي بكتبلك وعارف انك لو قرتيها هتفهمي كالعادة بس المشكلة المرحلة الّي هي ماذا بعد اما تفهمي الرسالة ؟ على فكرة بحب اشوفك وانتي مبسوطة جدا ولما بتكتبي حاجة بحسك فيها يمكن مبرضاش اعلق عشان اان بحس بحااجات يمكن متحسيش بيها او يمكن مبقاش ليها لازمة انها تتحس دلوقتي بس صدقيني انا بكتبلك لانك وحشتيني فعلا وعايز اكتبلك واكلمك فملقتش طريقة غير في المكان الي اتبنى على اديكي وكان ليكي الفضل عشان ابقا في الى انا فيه او بمعنى اصح في الي انا رايحله تشجيعك و حماسك اثر فيا اوي
تفتكري بعد كل ده هتفرحي لو شوفتيني اسمحيلي اجاوب بدلا عنك لمرة واحدة هتشوفيين طيف
نفسي مرة اسمع صوتك ومن غير ما نتكلم مش هنطق بس مجرد ان اسمع صوتك
او اشوفك وانتي معاه حتى او اشوفك لوحدك صدقيني استحالة هزعجك او هعمل حاجة تضايقك بس اشوفك
دي مجرد رسالة في الاول والاخر ممكن تبقى لمن شاف ولا من دري بيها
وهتفضلي في قلبي سر
مفتاحه معاكي
يمكني رمتيه
او خبتيه
يمكن رمتيه للبحر
لو شوفتي رسالتي متتكلميش او تنطقي لان كل كلمة محسوبة ليكي او عليكي ومحبش اخليكي في موقف محبكيش تبقي فيها
اعتبيرها مجرد اوهام

مصر الشقيانة

2010-06-28T17:20:00.000-07:00

يا مصر ياللي محبوسة في زنزانة
اه منك ...واه يانا
يامصر ياللي واقفة شقيانة
ليه دايما تعبانة وتعبانا
يا مصر قومي ..ثوري
جاهدي في سبيل ضحكتك
مال ضحكتك صبحت خزيانة
اضربي في درب الحرية
طريق
اسلكي في مسلك العلما
صديق
وانقذي من نهر نيلك
غريق
انا برئ..انا برئ

يا شمس متسلطة على القفا
وبشعاعك حرقانا
اشرقي و اصبحي
الظالم هيختفي
احرقيه نارك الي حرقانا
ومديني من كل شعاع
بنور
قويني بيه
خليني اثور
واحرت الارض من جديد
ديه الارض بور
منبتش فيها من سنين
غير كل جور

اصرخ..احتج..اثور
على كل ظالم قاعد
مدد رجليه جوا البحور
مادد ايديه جوا الجيوب
ياكل
يشبع
يكرش
هو والي حواليه
وناسك الطيابة بتجوع

يا مصر ياللي ناسها طيابة
فالحة الارض زرعاها طيابة
تخرج نبتها تخرج اصالة
لا فينا جبان
ولا فينا خسيس
ولا الي فينا يببيع البلد بالرخيص
وان باعها واحد منها ميبقاش منها
ولا كلش من زرعها
ولا شربش من ريها

يا مصر مهما الفجر طال
لابد من بزوغ النهار
ساعتها هنفتكر ونضحك ونسمع
ضحك النهار
اصل السجن بار
وبقا بينه وبينا تار
وزي ما قال حليم
ديه حكاية ..
ديه حكاية شعب وتار

يا مصر ناضلي في سبيل حريتك
قومي فكي كل القيود
عمري ما شفتك مستسلمة
حتى لو ربطوكي بميت سلسلة

يا مصر قومي ثوري اجمعي العباد
اجمعي نبتهم من كل واد
ثوري في وجه الظلم مهماش بطالمة ولا رومان
بس دول باعو البلد للئام
بتمن خسيس
بتمن رخيص
من غير مزاد
اهي قامت مصر يا ولاد
هتفك القيود
هتبذل وعود
الزمن هيعود
وقفت تثور
الظلم يغور
تناضل ..تجاهد..تسافر..تعافر
ناضلت..وقفت..ماتت ..عاشت
عاشت مصر حرة مستقلة

الولد

2010-06-03T15:41:00.000-07:00

كان ميلاده من عشرين

فرحوا وهنوا
باركوا وزغرطوا وهالوا
طاروا اهله مبشرين
كل حبيب وقريب
ونسمة طايرة وغريب
ااااااااااااه يا بلد
جالهم ولد
بعد طول السنين
وما يعرفوا انه في يوم هينجلد
بسوط ظالم من الظاليم
ضهره عذاب وبطنه حنين
وما يعرفوا اذا كان عدو ولا حبيب

نزل الولد وشال الهم
مشلش معاه لا خال ولا عم
ملى الدنيا صراخ وعياط وداق المر..
هم يزغرطوا
يشتد في البكا
هم يزغرطوا
عنيه تزوغ في الملا
هم يزغرطوا
شايف وشوش مبهجة
بيعيطوا ولا بيضحكوا من البكا

تفوت ايام ..وتمر شهور ..وتعدي سنين
واقفين
في نفس المكان
الي كنا فيه مستنين
امل الولد ونجاحه
نفسه يشوف الامل بعنيه
معدي البحر بملاحه
يشاورله وينده عليه
يقرب اكتر هنا
هنا جنبه
قبل الايام ما تأسى عليه
وتروح الفرحة
ويجي الحزن
ويغطوا الضحكة بالطرحة
ويبكى الولد
وقلبه يأن
نفسه في يوم يشوف زرعته صالحة
ويعرف ان بذرته مكانتش طالحة

يصرخ...يبكي...وتدمع عنيه
يبكي بدل الدموع دم
ما لوحده شايل هم
وحياة شكلها يغم
ونفسه في صرخة ام
في ضمة ام
في دعوة ام
تشيل الهم

ضاع الحلم يا ولد
ضاع الحلم تحت القرار
هرب الحلم وبلغ فرار
سمع الولد صرخة نهار
واتبدلت مظاهر فرح
لصوان
وسمع الزغروطة
صوات
واهل البلد
معازيم
يشوفه الولد
حزين
راحت ليالي ملاح
وملى الدنيا بصراخه نواح

=====
عمرو سيد

البحث عن ادميتي

2010-05-19T19:01:00.001-07:00

زي اي انسان عادي فكر تفكير بسيط وهو نسبي لادم عليه السلام واني بني ادم لست من بني الحيوان فقعدت ادور وافتش ملقتش معايا بني ادميتي فقررت القرار الخاطئ اني هبحث عنها واجبها لو كانت تحت طقاطيق الارض روحت لبست بسرعة وخرجت من بتنا على سنجة عشرة وبدات ابحث عن ادميتي بدا الموضوع بشخطة طبعا الصوت كان مالوف عليا خد الزبالة معاك وانت نازل عادي جدا واللهم لا اعتراض خدت شنطة الزبالة من سكات ونزلت بيها في منطقتي العشوائية جدا "هي تقريبا اكبر منطقة عشوائية شعبية فيها مثقفين ومفكرين وادباء ولعيبة كورة ومدارس في بر المحروسة تمن" المهم مشيت في الشارع يا دوب خرجت من باب البيت لاقيت شويت عفرة صغنونة كدهون رمت عليا زبالة الشارع وبقيت صندوق لهموم الشارع بيرميها عليا لاني تقريبا محدش نضف ولا كنس الشارع يجي من حوالي اخر فرح كان في الشارع عندنا المهم لاقيت منظر مالوف كوم زبالة على نصية شارعنا تحت شباك اوضة نوم عم علي فكرت تفكير خبيث "ارميها واطلع اجري " عشان افضى بقا لمهمة البحث عن ادميتي كده بس رجعت لصوابي وقولت الطيب احسن وارميها في صندوق الزبالة الي على اول شارعنا ""تفتكروا الي رمى الزبالة تحت شباك اوضة نوم عم علي مشفش الصندوق ولا كسل ولا نفض محتاجين المفتش كرومبو" خرجت بيها ادور يمين شمال على الصندوق اتبلع من الشارع الرئيسي ابا عن جدا واكنه الصندوق اسود للطيارة الي غرقت في قلب المحيط قعدت ماشي ماشي ماشي في اتجاه العربيات لاني نازل ادور على ادميتي فاكيد هنزل لاكتر مكان في بني ادمين ليكون حد منهم خد بني ادميتي معاه بالغلط المهم لاقيت كوم زبالة على انقاض الصندوق المزعم اقامته عصرت على نفسي لمونة ورميت الزبالة وكنت محرج جدا لاني كل يوم بعمل نفس العملة"بس الناس الي ساكنة قريبا ديه من الصندوق زنبها ايه في ناموس وجاموس تربى وترعرع على اكل الشعب المصري..
ركبت الميكروباص عشان انزل لوسط البلد ولا التحرير اصل فيهم كمية ناس وعربيات غريبة في اي وقت واي يوم من ايام السنة واي ساعة زحمة زحمة زحمة موضوع الادمية ابتدى في الميكروباص المهم السواق ربنا يجازيه يخير اصل العربية عليها اقساط ركب العربية على الاخر ده حقه طبعا من الموقف خمس دقايق جالي تليفون(ملوش علاقة بالادمية) حسيت ان فيه حاجة ناغزة في كتفي اتلفت معرفتش اشوف غير بنطلون جينز "سايبك لخيالك وضميرك" والظاهر ان الي كان واقف جنبي واحد مؤمن بان المضطر يركب الصعب فالميكروباص زحمة يركب ايييييييييييييه (طب السواق من حقه يركب العربية كلها طب يجيب زيادة ليه ادام مفيش مكان هي الناس الي قاعدة مش بني ادمين ولا الناس الي واقفة مش بني ادمين عشان يروحوا بيوتهم باحترام وبامن وهما قاعدين على كراسي يعني ولا احنا مجانين )
وصلت لبر الامان جدا وهو المنطقة الي هبحث فيها عن ادميتي وهي وسط البلد المهم عملوا حركة زكية جدا انهم قفلوا الحتة الي بنعدي منها وعملوا فتحة بتاع حوالي مترين بعيدة شويتين عن المكان فالناس بتستسهل وهبا واحد اتنين وتنط من فوق السور لاقيت اشارة وقفت فيها عشان اعدي "اصلي بني ادم" وقفت وقفت وقفت وقفت "لو مستعجل روح هات حاجة وانا لسه واقف" بتاع مدة معرفلهاش وفجاة لاقيت الناس بتعدي وانا واقف وفيه عسكري بيضحك عليا "فاكرني مجنون عشان مستني الاشارة تقفل للطريق وتفتحلي " اكتشفت ان الاشارة موجودة بس شغالة مانوال يعني بايد العسكري بس خد بالك لانها شغالة بايده والكامرا بتصور ديجتال"
عديت وفكرت في ايام ما كنت في الشارقة ولاقيت شارع رئيسي بس صغير شوية كنت هعدي لاقيت جوز اختي راح كده ناحية عمود صرخنا في بعض انت رايح فين "انا بساله رايح للعمود ليه ""وهو بسالني انت هتعدي الشارع ازاي" لاقيته داس على زرار بقولة بتعمل ايه قالي بوقف الشارع قلتله "نعم"يعني ايه قالي الاشارة شغالة بالزرار عشان لو حد عايز يعدي عشان هنا مفيش اشارات قريبة مفيش دقيقة الاشرة قفلت على الشارع بعطاء الاولوية لمرور المشاة وقفلت للطريق وواحد خد باله والعربيات وقفت
جوز اختي رفع ايده في تحية للعربيات والعربيات كلكستله كبروتوكول للتعاون بين المشاة والسيارات

وللحديث بقية ما دام في العمر بقية باإذن الله

البحث عن ادميتي

2010-05-19T18:22:00.000-07:00

عشوائي ...ولكن

2010-04-15T16:25:00.000-07:00

انا عشوائي …..ولكن

في دنيتكم يا سادة مليش اماكن

عشان دنيتكم بالاماكن

الي راس ماله فيلا ولا حتى قصر بالجنانين

وانا عايش يا دوب في شقة

ويمكن نعيش في الكباين

انا عشوائي ….و ساكن في مناطق شعبية

دور عليا في امبابة او السيدة و المنشية

او يمكن تلاقيني تحت صخرة مرمية

من فوق جبل الدويقة

وقعت على دماغي ودماغ العيال والولية

انا عشوائي ….ولكن بنظام

علموني اهلي للكبير احترام

وللصغير عليا شوية طبطبة وحنان

ولو عارضت كبير اعارضه بدون صدام

اصلهم عيلتي و عوايدهم مدياني الامان

انا عشوائي …..ومش قضية

ساكن في مناطق قالولي عشوائية

طب ازاي؟؟ والحكومة معترفة بيا

بدفع ضرايب على شوارع غير ادمية

ولو يوم غلط ورحت مستشفى ياخدو حباب عنيا

طب ازاي عشوائي ومعايا بطاقة قومية

واسمي يا سادة ينجحكم في الجداول الانتخابية

لو كانت شورى او شعب او حتى رئاسية

انا عشوائي ….وعندي ارض زراعية

ونبت ارضي يا سادة يحرم على الجماعات الارهابية

انا نبت ارضي يا سادة الشيخ شريف

حافظ القران الكريم

و11 الف من الاحاديث النبوية

وهتعجبوا لو عرفتوا ان عنده من السنين عشر مية

انا عشوائي ….وعندي ارض خصبة طينية

انا نبت ارضي خرج محاسبين ومحامية

واصحاب مناصب دبلوماسية

او حتي شركات هندسية

انا نبت ارضي يا سادة مقاولين وفوعلية

ده نبت ارضي يا سادة فين نبتكم

يا اصحاب الاراضي الكيماوية

انا عشوائي ….وغنايا ليه قضية

ولكل كلمة معني وحكاية واغنية

واسالوا عبد الباسط ودرويش وعدوية

ومطلب وكارم واسامي تانية

والحاج امين صاحب القصائد الشعرية

انا عشوائي ….ولكن عايش في سلام

صاحبي مسيحي ولا دينه الاسلام

متفرقش معايا مايكل من عيسي او عبد السلام

كله بيصحي وينام

ومعانا تحس بالامان

عموما ان عشوائي ولكن بنظام

ومافيش بيني وبين الحكومة صدام

اصل انا عشوائي واساله عني النظام

الماضي مات

2010-01-06T04:39:00.000-08:00

مرت سنين على الي فات
بالنسبة لها الماضي مات
بس مفيش جرح بيموت
مفيش يوم يعدي من غير صوت
صوت لألم كان من سنين
ولا عدى يوم من غير حنين
لحب السنين
صحيح كله فات
بس الماضي عمره ما مات
كلمتها
سألتها
ليه عشتقتي؟
ليه عشقتي من بعدي؟
قالتلي مالي ذنب
ده قدر
كان لازم انساك
لازم اداوي جرحي
الي جرحتهولي
كان لازم ارجع صبحي
الي امستهولي
انت اخترت الفراق
وانا اخترت العشق
اصل العشق داء
والحب داء
ومين بعدك يداوي عشقي
غير عشق
عشت من بعدك مجروحة
عشت من بعدك مدبوحة
والله ده لوعدت سنين
ما انساك
ما اقدرش على غيابك
واستنيت كتير لوقياك
حبيتك اه
عشقتك اه
ودبت في هواك
الجرح مش جرحي
ولا الذنب ذنبي
انت الي اخترت الفراق
وانا اخترتك
انت الي اخترت البعاد
وانا اخترتك
اخترتك واحترت معاك
كل يوم بيعدي وانا مش جنبك
بموت فيه الف مرة
كل يوم بيعدي ومسمعش صوتك
بندبح فيه الف مرة
وما بين كل مرة ومرة
عذاب
وحشتني لمستك
عشت بكلمتك
ولكلمتك
هويتك
عشقتك
جرحتني
بس خلاص عدت سنين
على الي فات
وانسى اصل الماضي مات

دعاء

2009-12-22T13:52:00.000-08:00

من ادعية الشيخ محمد متولي الشعراوي (رحمه الله تعالى)

اللهم ان سترك لعيوبنا وفي امر عبادك بالستر علينا
بشارة بالمغفرة
فما كنت لتستر في دار الفناء لتفضح في دار البقاء
وحتى لا نزهد في حسنات من نعرف له سيئة
وحسبنا جزاء على ستر عيوب سوانا
ان تستر غيرنا عن عيوبنا

الكتابة غية للموهوبين ام خية للموهومين

2009-10-05T16:54:00.000-07:00

نعم انها الحقيقة سالت نفسي دوما واسال نفسي هل انا املك ملكة للشعر حقا اما اوهم نفسي بهذا؟؟

هل لدي حقا خيال استطيع الشرود به ام يشرد ذهني بلا فائدة؟؟

هل املك القدرة على كتابة الروايات ام الورقة ستكتب عني يوما؟؟

هل ملكت الورقة والقلم ام امتلكني حب اب الشهرة وان اكون بين طبقة المثقفين ؟؟

هل خدعني من حولي ام خدعت نفسي بقدرتي على الكتابة ؟؟

هل استطيع ان يذكرن يالتاريخ اما ساذكر التاريخ كاقوى قلم في حياتي؟؟

هل اتفنن بعرض الموضوعات ام تتفنن الموضوعات باظهار حقيقتي ؟؟

ولكن لابد ان اثق في نفسي دووما لاستطيع ان اسير للامام لابد ان اضع نفسي في محكات استطيع بها ان اقف على ارض صلبة وهل ان خزلني القلم ساتركه ام اعانده واجبره على التصديق والتطويع تحت رغباتي

علمني حبيبي ( لكل شئ اجل)

2009-08-31T16:26:00.000-07:00

بسم الله الرحمن الرحيم وصلاة وسلام على خير خلق اجمعين سيدنا محمد صلى الله عليه وسلم النبي الامي الامين وعلى اله وصحبه ومن تبعه باحسان الى يوم الدين وبعد

كنت قد نوهت على ذلك الركن التي اردت ان اقدمه لاحبابي في شهرنا الكريم اعاده الله علينا باليمن والبركات ونويت ان يكون هذا لله وما اردت به وجه غيره.
ولكن من الواضح ان تلكم النية قد شابها بعض خبائس الشيطان فتاخر اول مقال بعد عشرة ايام كاملة من رمضان لانني لم اقدم المشيئة واني لم اعلم ان لكل اجل كتاب هو موفيه وان لكل شئ ميعاد لا يقدم ولا ياخر ساعة .
فتذكرت موقف جليلي حدث مع رسول الله صلى الله عليه وسلم في بداية الدعوة عندما كان في مكة وفلما بلغ الكفار يأسهم من التشكيك في الاسلام ويأسهم من اخماد نوره واطفائه بافواههم هموا الي احبار اليهود "وهم اعلم بالحق من الكفار وقتئذ" ليدعوهم ويسالوهم عن هذا النبي الذي فرق بدينه بين المرء واخيه وبين الزوج والزوجة فرد عليهم احبار اليهود بن اسالوه عن ثلاث اشياء :فتية كانوا في اول الزمان ما بالهم ورجل حكم الارض شرقا وغربا وعن اعلم اهل الارض فجاء الكفار فرحين لانهم سيعجزون النبي صلى الله عليه وسلموحاش لله ماهو الا وحي يوحي علمه شديد القوى فما كان من سيدنا النبي صلى الله عليه وسلم الا ان قال لهم غدا ساجيبكم على امل ان الوحي سينزل عليه ولكن الله سبحانه وتعالى اراد ان يعلم النبي صلى الله عليه وسلم درسا يكون من بعده منهاجا للتابعين وهو ان يقدم المشيئة على اي عمل يقدم عليه وان كل شئ باذن الله حتى مع الرسول الكريم صلى الله عليه وسلم ففي اللية الاولى جاء لسيدنا محمد مشركي مكة ما جوابه من الاسئلة التي القوها عليه فقال غدا واستمر الحال ياتونه ويسوفهم حتى اتم الليلة الاربعين كان قد انقطع الوحي فيها حتى انهم بدأوا يسخرون من النبي صلى الله عليه وسلم ويقولن مالايعملون ان شيطانه قلاه اي تخلى عنه ولكنهم لا يعلمون الفرق بين الدرس العملي والدرس النظري وهو ما وضحه الله سبحانه وتعالى للنبي
وبعد ان قال الرسول صلى الله عليه وسلم ان شاء اله غدا انزل عليه الوحي بسورة الضحى قال تعالى "والضحى *والليل اذا سجى *ما ودعك ربك وما قلى *وللاخرة خيرا لك من الاولى *ولسوف يعطيك ربك فترضى.."الى اخر الايات فبدأ الله سبحانه وتعالى السورة بقسم ولك ان تتخيلي اخي الحبيبي عنتدما يقسم رب الارض والسماوات ثم في اليوم الثاني انزل عليه سورة الكهف ليجيبه عن اسئلة المشركين بايعاز من اليهود فكان ذلك درسا عمليا لرسول الله وتدريبا على ان يذكر ربه في كل شئ وبهت المشركين باجابة الحبيب على اسئلتهم
وما امنوا ولكن ارادوا ان يطفئوا نور الدعوة بافواههمو لكن يابى الله الا ان يتم نوره
فاذا تاخر لك شئ فاعلم ان تاخيره لخير لك فلا تستعجله ولك ان تتذكر دائما هذا الموقف الذي حدث مع رسول الله صلى الله عليه
وةفي النهاية فما كان من توفيقا فمن الله وما كان من خطأ او سهوأ فمني ومن الشيطان والله ورسوله منه براء

وحوي يا وحوي

2009-08-21T13:36:00.000-07:00

اعتذار لطيق خفيفي مني ليكم عن اهمال في مدوناتكم وتعليقاتي عندكم بس انا قريت كل مواضيعكم ولو حد يحب يعني انه اسمعله بس مبقدرش اعلق واحب اهنيكم بشهر رمضان الي جاي علينا بالنفحات وربنا يكفينا شر النفخات اعاده الله عليكم بكل خير

تنويم بسيط

هنبدا من بكرة ان شاء الله سلسة من مقالات تحت عنوان ( علمني حبيبي ) هنحاول فيها نغير بعض الحاجات في شخصيتنا وفي طبعنا لعلنا نلحق القطار الي فات من الاخلاق والمعاملات ودعواتكم ليا بالتوفيق وان شاء الله المقالات هتبقى حوالي عشرة يعني تقريبا كل ثلاثة ايام مقال نقدر نغير فيه بلوة من بلاوينا ( محدش يفتكرني شيخ ولا قديس طبعا اتمنى ذلك انا بس مجرد شخص يحاول ميخرجش من رمضان زي ما دخله)

وكل سنة وكل حبايبي واصدقائي طيبين هما اوهليهم والي بيحبوهم

سياسة

2009-08-04T13:18:00.000-07:00

قاعد في قعدة مزاج ليلية
انا والعيال وكمان الولية
سمعت مرة غندورة اعلامية
عمالة تتكلم عن السياسة
بصتلي مراتي بكل بساطة
وكان سؤالها بكل غرابة
يعني ايه سياسة يا جوزي
ولا ده كلام اراجوزي!!
سياسة يا سوسو يعني تسوس
قلتلها الكلمة سياسة واصلها ساس
وبيقولوا جاية من الالماسة
واصل السياسة يعني يسوس
بالمضارع يعني تسوس
توقع بين بلدين او كمان اخين
وتفرقهم ويبقوا خايفين
وما يجتمعوا على كلمتين
ويخرج براها هو زي الماسة
برده يا جوزي يعني سياسة؟
بلا سياسة بلا قرف يا ولية
قومي اعمللنا وقية بامية
او حتى ملوخية
هو احنا اد السياسة
ربنا يبعدنا عن ساسة
ولا يقوعناش في ماسة
ولا يوقعوا بينا بتوع السياسة

الثورة والثروة

2009-07-23T14:43:00.000-07:00

كان زمان بين الثروة والثورة فروق
زي الفرق بين الالف والنون
لكن في زمنا اجتمعوا واصبحوا ان تكون
تملك سلطة وكرسي تدوس على الكون

اونكل حماصة الرخم

2009-07-06T18:17:00.000-07:00

ملحوظة

بناء على طلب الجماهير وخصوصا ضد التيار بازلة النكد من مدونتي كن سعيد (عكس الكلام طبعا) بقدم اليكم حلقتي الثانية من ع البسطة ان مش واقف ولا حاجة ع البسطة بس هو قدر نعمل ايه المهم يلا بينا نتعرف على افعال وشخصية اونكل حماصة الرخم

اونكل حماصة الرخم ده كده راجل سكرة بالنسبة للاناس الكبيرة وراجل بن تلاتين تيت للاطفال الصغيرة طب ليه هو بيعملهم ايه ولا حاجة طبعا
موقف واحد

قاعد الطفل كده في امان الله بيتفرج على ماتش الاهلي والزمالك (النتيجة معروفة ولا عزاء للزملكاوية) وفجاة هبا يجي الجون هيييييييييييه الواد
قام اتنطط اصل الماتش حلو اوي لاقيته كده عمالي يوشوش الحاج بابا بس انا سمعه بيقله ابنك في سنة كام قاله اولى اعدادي الحاج ده الواد نبيه ما شاء الله عليه ومتفوق لاقيت عمك اونكل حماصة الرخم مرة واحدة وبدون مقدمات عمرو نعم يا اونكل هو انت حافظ جدول الضرب(ينعل تيييييت ده وقته بس ) رحت رادد عليه اه اه حافظه هبا بقا هاتها ديه يا ساحر يا ابوتريكة رجع يتكلم تاني (مش هتبطل كلام في ليلية امك ديه ) طب متقولي جدول تسعة احسن مش ناسيه وعايز حاجة فيه ( يا يا راجل يا رخم انت عايزني اسمعهولك طب وحياة ابوك ما انا مسمعه ) رحت قايم جري اكني هشرب رجعتله بالجدول كله قلتله اتفضل الجدول اهو شوف الي انت عايزة
اونكل حماصة الرخم بقا في نص هدومه مني عشان اتزكيت عليه مبقاش عارف يقول ايه ولا ايه هجمة للاهلي مرتدة يلا هبا هبا يا بركات هاته وعمل الحركات جووووووووووووون قومت اتنط وارقص واووووووه اهلاوي لاقته بيسال بزعيق جامد اييييييييييييييييييييييييييه
رحت عامل نفسي مش قصدي نعم يا اونكل طيب ما تسمعه عشان باباب بيقول انك شاطر جدا رحت مسمعه وكسفته تفتكروا هيبطل كلام واساله رخمة في اوقات رخمة لا طبعا

موقف اتنين

قاعد انا وبابا بنتفرج على التحليل ومرة رحت قايم والله ما بتعرف تحلل انت اصلا بطيخة الحاج عيب يا واد ده لاعيب كبير قلتله اصل الخطة كانت كويسة والحياة فللي ومية مية واللعيبة نفذت بس هجمت فلافيو كان محتاج يوديها بوش رجله
تفتكرو الاونكل سكت لا طبعا (هو ملهوش اصلا في الكورة طب بيتكلم ليه رخامة طبعا) قالي يعني انت بتعرف تلعب ققلتله الحمد لله بفهم كورة وبنفذ كويس وبلعب في نادي راح سالني بسخرية شديدة يعني بتلعب فين ؟؟ بيني وبينكم اتنرفزت جدا جدا (كان نفسي اروزح مطلع كورة واحط تفاحة على دماغه وارهنوا على جنيه اني اجبها في التفاحة والعبها ميت مرة في وشه وميت مرة في التفاحة عشان مخسرش الفلوس ) قلتله انتي عارف بعلب في نادي ايه قالي ايه قلتله كسح فسح وشلح واجري في الظلام (فريرة على الاوضة قبل ما يتكلم ادخل اذاكر تاريخ احسن من وش اهله العكر) مسبنيش في حالي ورايا وهاتك يا اسئلة في التاريخ اول ما بابا دخلت قلتله يا بابا انا مبعرفش اذاكر وحد بيتكلم ما تاخد اونكل حماصة الرخم وتدخلوا الصالون او تروح هتلاقي ايه سي ميلان بيلعب مع الجونة على قناة سمنود البحرية
( اي كلام في طحينة عشان باب ياخده فهم الحاج راح واخده ومشيوا)

موقف تلاتة

قاعد كده في الاجازة وباصص من الشارع لاقيت اونكل حماصة الرخم بيسلم على بابا وبيقوله العربية وسخة كده ليه هو ابنك مبيغسلهاش ولا يمسحها حتى ده مفروض يحافظ عليها واحد يسال طب انا عرفت منين بيتكلموا في ايه(اصل الرخم كان بيشاور على العربية وبطريقة اكنه بيمسح ) شوية ولاقيت باب طالع عليا انت مبتمسحش العربية ليه ولا تغسلها سايبها معفنة(يا بن التيييييييت يا حماصة بتقلب بابا عليا )
الام تدخلت بسرعة بديه ده ابنك كان هيغسلها ب ان اقولتله يشرب الشاي الاول عشان يعملها بمزاج عمال طبعا اجز واعصر وكل الاعتراضات (يا بن لو امسكك بس يا حماصة اقول عليك سررقت مني خمسة جنيه في السوق وضربتني ) عدى الموقف باني نزلت مسحت العربية وغسلتها فلة

الموقف الرابع والاخير

قاعد في المكتب مع بابا الصبحية كده هون مسحت فرش المكتب الجلد وقلت هستنا شوية واكنس المكتب ابا طب علينا اونكل حماصة الرخم
قعد يرغي ويتكلم عملتلهم شاي (بالسم الهاري يا حماصة ياكش تشربه ما توعى تكمله تروح على الاسعاف يشلولك مرخينك وفردة رمش من عيونك ويقطعة شفه واحدة بس وتعيش موارب البؤ طو عمرك) لاقيته بيزيح التراب كده اصلي قولت اريح واكنس المكتب من بره راح مقوم بابا عليا وقاله ابنك ده باين عليه مهعمل وانت مدلعه على الاخر مفروض اول ما يجي يكنس المكتب (باب وش غاضب معكر الصفو محمر الجبين) شاخط عليا بزعيق مش ميت مرة اقولك اكنس المكتب وهو انت مش نافع في حاجة ابدا اده انت عيل فاشل وهاتك يا لغبطة فغي الكلام .

المواقف ديه مش شرط لشخصية واحدة هي عدة شخصيات ولكن تتسم بالرخامة عادي انه يسالني في جدول الضرب بس ده لما ابقى قاعد بذاكر ومركز وعادي انه يسالني في الكورة بس من غير استهزاء حتى لو كنت طفل اصله مش ابوتريكة يعني ولو كان ابوتريكة كان اتكلم باحترام وعادي اني اكنس وامسح اي حاجة لبابا بس ميقمهوش عليا كده ممكن باب يقولي يزعقلي على حاجة كده بس حماصة ميقلوش ابنك وبتاع
تحياتي لكم ودمتم بخير مع الحلقة القادة (علي هبا بقا )

ورقة شجر

2009-07-02T06:11:00.000-07:00

العمر زي ورق الشجر
على كل ورقة انكتب فيها القدر
يا تزهزه وتكبر وتخضر
او تدبل و تقع من ع الشجر

رسالتي اليكي

2009-06-28T12:04:00.000-07:00

كتبت اليكي هذه الرسالة بعدما تفشى اليأس في اوصال جسدي من التقائك . اعلم انك لم لون تسمعيها او حتى ترمي بنظرك على حروف الكلمات . كنت دوما ارتمي اليكي عندما تضيق الارض بما رحبت فأسمع صوتك يواسيني . كم من الليالي سهرناها وتشهد بذلك النجوم والكواكب . فتتعالى ضحكاتك مع بزوغ الفجر وصعود الشمس لعنان السماء . انني اتذكر رسائلك التي كانت توقظني في الليل على اجمل عبارات الغزل تحولت الان الى رثاء .رثاء لتلك المشاعر التي ماتت عند رحيلك من الفناء . لتتحول علامة حبك في قلبي الى جرع عميق.

فاصبحت انا كالسقيم ليس له دواء واضحى حبك الي داء عجزن امامه الاطباء.

ابعث اليكي رسالتي بعد فوات الاوان لان لكل وقت ادان

تحياتي

انا مين

2009-06-24T05:41:00.000-07:00

سالت نفسي انا مين
شرد ذهني وكتب قلمي شخابيط
اسمي مكان وميلادي
كان من سنين
انا برج ايه القاهرة
زي كل المصريين
ودمي بيجري جواه النيل

بس برده انا مين

قلمي صاحبي الجديد والعتيد
اصل الي باعغوني كتير
والي اشتراني بالرخيص
هيمهنيش كل دول

الي يهمني انا مين

عايش وحيد في كوكب بعيد
المشترى زحل ولا انا من المريخ
عايش هناك والسما وويانا غريب
نحكي لبعضنا
نشكي لبعضنا
وابتسامتنا ديه على الخدين

بس محدش قالي انا مين

في اسكندرية
ساعة المغربية
شايف البحر والشمس فوقية
مرسومين جوه عنيا ولا اجملها اغنية

محدش رد عليا انا مين

انا عاشق ولهان
بحب من زمان
في خيالي بنت الجيران
ولاهي معبراني بصة
وان بصت تبقى احسان

زهقت بجد انا مين

خاتمي في ايدي اليمين
حظظتي في شمالي مع ساعتي الستيل
دلاية سلسلتي خرطوشة
لملكة او ملك كان من سنين

عرفتوني انا مين

انا شوية كراكيب على الرف مركونة
او يمكن شتلات في الارض مزروعة
يمكن اكون مقبرة لمصري في الارض مدفونة
ويمكن حرف في كلمة على جدار المعبد محفورة

فاصل ونواصل

2009-05-18T07:38:00.000-07:00

اشكر كل الناس الي اهتمت بغيابي واشكرهم كتير اوي اوي لاني بجد اتبسط لما لقيت ناس مهتمة بيا كده وعموما ان مفيش حاجة والحمد لله بخير وكل حاجة بس انا ابتدت عندي امتحانات من يوم 17 مايو هتخلص يوم 18 يونيو فانا هستاذنكم اتني هاخد فترة توقف بسيطة اهو تستريحوا شوية كده مني وبالمرة اعرف اقيم نفسي عشان لما ارجع ابقى واقف على ارض صلبة المهم اني هتابعكم بس من غير تعليقاتي الرخمة على موضوعاتكم بس بجد متزعلوش وبنوه كده اني لما هرجع هتحس انك دخلت مدونة جديدة واصبر شهر وهتعرف

مقابلتي مع الرئيس

2009-05-05T17:59:00.000-07:00

قال حلمت يوم اني قاعد مع الرئيس

بعد ما قفللنا ميدان رمسيس

قلتله حصلي شرف مقابلتك يا سعادة الرئيس

قالي انت اصلا مين

غاظني بسؤاله اللئيم

واكنه رماني في الجحيم

قلتله انا المكافح المصري

وسابق كل عصري

قلت يمكن يفتكر انه اصلا مصري

قالي بعنتظة وانت ايه الي جابك قصري

قلتله برخامة قصرك ده حق كل مصري

يا ريسنا انا طفت البلاد

بين العباد

عشان اقدم شكوتي في الفساد

بصراحة يا ريسنا الكيل فاض

والفساد انتشر في البلاد

عم كل البلاد

والفساد بين العباد

زي الجراد

قاضي على كل الخضار

وكان اراضينا مسرطنة

بتطلع فاكهة معتنة

وبيحموها بالدسترةوكمان المهية متبخرة

وتقعد على فيض الكريم

ونسأل لله يا محسنين

ولا عدش سائل فينا مسئول ولا حتى وزير

قالي عايز ايه مننا

قلتله هو انت مش واحد مننا

دمك هو دمنا

وحلمك هو حلمنا

وزرعك هو اكلنا

والنيل شربك وشربنا

يبقى لازم تحلها

وتشيل الفساد منها

ورايه العدل ترفرفها

والقانون سيد عليها كلها

على كل مسئول ووزير في ارضها

عشان تلاقي حلوها بيتزرع في ارضها

ونعمة ربك زرعها

والشعب يحبك زيها

وتبقى واحد منها

وسمعت صوت الاذان

والفجر شقشق والعدل بان

واللئيم اختفى من الاحلام

اصل ابليس بيختفي مع صوت الاذان

ف المترو

2009-04-28T19:05:00.000-07:00

كانت عقارب ساعة الجامعة تتهادى عند السابعة حيث كنت منتظرا في محطة المترو الذي سيستقلني الي حيث منزلي كان الجو يومها رائع ربيعي معتدل ما اروعه وعندما بدأت العقارب تشير للسابعة سمعت صوت جرس الساعة ثم صوت المترو الذي كاد يصيبني بالصمم وكأنه يصيح ناقلا تعبه ومشقته في صوته.
فُتح الباب دخلت لم اجد مكان كالعادة اجلس به ولكن ما استرعى انتباهي هو خلو المترو من الركاب في هذا التوقيت المشهود له بالكثافة العالية
وفجأة ....دخل رجل عجوز قبل غلق الباب بلحظات قصيرة فجذب الانتباه حيث لم يكن بمقدوره المشي بيدع عكاز قد اشتى منه يرتدي بدلة كحلي واضح عليها مشقة الطريق و الحياة معاً ويرتدي في شحمتي اذنيه نظارة طبية (كعب كباية ) لديه بعض الخصل البيضاء في رأسه الصلعاء ذو ذقن خفيفة يبدو عليها الاهمال
وعندما اُغلق باب المتروجدت الرجل العجوز ذو العكاز الخشبي يصيح حمدًلله على كل شئ فظننته سيلقي علينا خطابا يجازيه الله عنا خيرا وفي هذه الاثناء كان هناك رجلان من اصحاب الثلاثين ربيعا يق{ان جريدتان مختلفتان فاأحدهم يمسك بجريدة سياسية صفراء ذوي الاقلام المشبوهة ولكنه تركك كل هذا وبدأيقرأ في صفحة تخص الناسء ولكن كانت هناك اعلانات يوقف نظره علهيا كثيرا وهي اعلانات الضعف الجنسي و تكبير وتصغير حجم الثدي وغيرها من الاعلانات التي بها مشاهد او صور مثيرة و يبدو عليه انه لم يتزوج حتى الان او لا يملك ما يتزوج به او لماذا يقرأ هذه الصفحة ان كان متزوجا ؟؟
اما الاخر فبدى عليه الارهاق من كثرة قراءة الاخبار في الجريدة حتى وصل للصفحة المنشودةوهي صفحة الرياضة فرأيته يهمهم ويتمتم بكلمات لا افهمها ولكنه يندب حظ الاهلي العثر في مبارة انبي عندما وقع نظره على خبر التعادل في ظل ظلم تحكيمي بين ويبدو انه دار برأسه كيف سيكون الزمالك مع الاسماعيلي ولكن تسرب اليه اليأس من تسريب الزمالك لهذه المباراة بكلام على لسان سيد معوض لاعب النادي الاهلي والاسماعيلي السابق بان نقاط المباراة مضمونة للاسماعيلي واكد في حديثه ان الاهلي سيفوز بالدوري سواء بالنقاط او بالمباراة الفاصلة .
فعندما رأي هذان الراجلان هذه الرجل العجوز لايستطيع الوقوف افسحا له مجلا لكي يجلس بجوارهما ولكنهم اكملوا القراءة عندما بدأ الرجل العجوز في تقديم شكواه قائلا : كنت عاملا بطائفة المعمار ولكن قدمي اليسرى قد انكسرت وكان يحمد الله بين الفينة والاخرى ولك استطع ان اعمل مرة اخرى فاشتغل ابني الوحيد ولكنه يرقض الان بمستشفى لان لديه ماء تحت الرئة وفي هذه الاثناء بدأ المجال المفسوح الذي تركاه الرجلان يتلاشى مع شكوى الرجل العجوز حتى انعدم المجال و اكمل الرجل العجوز شكواه بأنه يقسم ليس لكي يصدق الناس قصته ولكن انه يقسم لله ولكن ما فهمت معنى تلك الكلمة لماذا يقسم لله لكي يصدق الله قصته ام ليساعده الله ولا اعلم تفسيرا لهذه الكلمة وما كاد ان يفرغ الرجل من حديثه حتى توقف المترو في في المحطة وكأن الرجل قد ظبط كلامه ومشيته مع وصوله لاخر العربة التي يستقلها فظللت اتابعه حتى نزل ولا اعلم هل توقف لكي يستقل مترو اخر يحكي فيه قصته لعله يلقى مساعدة من احد ولكن دارت في رأسي بعض الاسئلة هل ينام كل المسئولين في بلدنا المحروسة و هناك فقراء لا يجدون ما يأكلون بل ويسألون الناس الحافا
رحم الله عمر بن عبد العزيز الذي في فترة خلافته التي مدتها ثلاث سنوات فاضت الارض بخيراتها من عدله حتى ان بيت المال لم يكن به مكان للزكاة وكان لا يوجد فقيرا في خلافته..

أزمة الازمة

2009-04-17T09:10:00.000-07:00

القت الازمة المالية العالمية بظلالها على العالم كله ولكن بما اننا لسنا من العالم فليست لدينا ازمة مثلهم طب ازاي؟
هل خرج علينا مثلا لا قدر الله وزير المالية يوسف بطرس غالي (حاميها حراميها و سلمه القط مفتاح الفار) اعلن برنامج خاص بالحكومة المصرية لادارة هذه الازمة ؟
هل خرج علينا رئيس الوزارء النظيف احمد نظيف(الجواب بيبان من عنوانه) يقول فيه كيف سنواجه الازمة ؟؟
او اعلنت الحكومة يوم ما انها بصدد دفق اموال لتجنب الازمة مثلما فعلت دول العالم ؟؟؟
ولكن دعونا نتأمل في ادارة هذه البلد المصون التي خصها الله بالذر في القران الكريم قال تعالى "ادخلوا مصر ان شاء الله امنين"
كيف مثلا اصبحت هناك ازمة للخبز فجأة ثم اتفرجت مرة اخرى فجاة دون ان يعلم احد من الناس السبب (سبحان الله فيها عفريت ديه ولا ايه)
عندما بدات ازمة الخبز اخذ الناس في التامل وهناك من يتكلم من برجه السكني حيث انه ليس لديه ازمة خبز ( ببساطة لانه بيفطر دوست و بيتعشة بيه وبيتغدى بالشوكة والسكينة ) ومنهم من تقدم باستجواب في مجلس الشعب و منهم من صال وجال في الفضائيات وكأن الفضائيات اصبحت هي المأوي الشكاوي (كله رغي رغي رغي ومفيش حد بيتحرك بفعل )
هل سالت نفسك كيف انتهت ازمة الخبز في مصر او كيف بدأت بل الادهى والادل من ذلك كشفت الاعلامية منى الشاذلي في برنامجها العاشرة مساءعن صفقة من القمح الارجنتيني الفاسد لا تصلح الا للقمامة (بمناسبة العيش المسئولين عملوا ودن من طيبن والتانية من عجين )
ولكن في مصر تدار البلاد بسياسة (جوع الناس هتنسى المأسي) فعلا انها سياسة قد دامت معنا منذ بداية التمانيات من القرن البائد
وحققت رواجا مع الحكومة كبير حيث اذا كان لديك ازمة في اكل العيش وكسبه كيف ستفكر هل الحكومة اوفت بوعدها الانتخابية ام لا ؟
مثلا (لو واحد عريان تفتكر ممكن يفر يلبس كاب او نضارة عشان يحمي نفسه من الشمس طبعا لا اكيد هيدور على هدوم الاول يستر بيها نفسه)

المواطن المصري البسيط لديه ازمات تفتعلها الحكومة لكي تداري سوئاتها الخبز التامينات المعاشات الضرائب واخيرا التكسة واضراب سواقي ال504 بيجو.....
اصبح لدينا حالة لا ارادية من الحكومة اتجاه قرارتها حيث عندما نسمع بقرار جديد نجد انفسنا نبحث عن نصباية او سرقة من المواطن
( هي الحداية بتحدف كتاكيت )
والفت النظر الي شئ واحد الحكومة تاخذ مننا الضرائب لصرفها علىلا الخدمات (زي الزبالة المنطورة في شوارع مصر الكلام مش للناس الي ساكنة في الزمالك او مدينة نصر او مصر الجديدة و طبعا زي رصف الشوارع وتخططها بالابيض وسفلتة الشوارع واستوائها و مثلا لانارة الطريق الصحراوي و لعلاج المواطنين على حساب الدولة و لاسكان محدودي الدخل وللمعاشات و للتامينات غيرها من الخدمات )
بالتفصيل
الزبالة: في كل حتة عمالة تجيب امراض زي ماجابت ملاريا برده جابت جربان
المرور : الرصيف قديم و شوية يبلطوه وشوية يسلحوه مش عارفين يعملوا فيه ايه وبعدين بلاد العالم كلها بتقل الرصيف الي في النص واحنا ربنا يزيد ويبارك عندنا ارصفة ربنا يزودهلنا يتلعب فيها كورة تمناشر بتمناشر وشرطي المرو شعاره (خمسين جنيه واسيبك )
والاشخاص القائدة للسيارات يعتقدون ان الخط الابيض لابد ان يكون في وسط السيارة صباح الفل(يخرب بيت الي سوقهال)
الطريق الصحراوي:: اذا كنت من المحظوظين المصطافين الزائرين للاسكندرية ستجد مطبات هوائية مع سرعة السيارة تجد ان السيارة ترتفع في الهواء لمسافة 20سم او اكثر واما اذا كنت محظوظ وجربت العودة ليلا ستجد معاناة كبيرة من عتمة الطريق التي تذكرك بظلمة القبر ( طبعا الحكومة قصدها تفكرك بظلمة القبر عشان تخاف ربنا و متحاولش تقل ادبك مع الموزة بتاعتك )
علاج المواطنين: الي هو قرارات الدولة يدوك القرار تتادم بيه عشان تتعالج يقولك هنديك ميعاد قريب فوت علينا يا سيدي بعد 6 اشهر ويحلفوا ان ده اقرب ميعاد (الناس قللت في المستشفى كتر خيرهم بيتصلوا الراجل مجاش ليه في ميعاده ردت واحدة بصوت حزين بابا مات من 5 اشهر ) عشان المفروض يتلحق بسرعة ياخي ....ولا بلاش
السكن:سكنا القبور و سكنا السطوح وسكنا كل شئ وواحد عنده اربعة فيلات وخمسة قصور طب ده عدل (فيه ايه زيادة عن الراجل البسيط عشان ده يسكن في القبور وده يسكن في القصور سبحان الله )
معاشات وتامينات : اكتر جملة كوميدية الضحك على الدقون برنامج عمرو الليثي على دريم 2 جاب واحدة عايشة على معاش السادات الله يرحمه الي هو خمسين جنيه (كانوا ال50 جنيه ساعتها ليها شنة ورنة وكيلو اللحمة كان تقريبا ب10 جنيه او اقل)وواحدة عايشة على معاش مبارك الي هو 85 جنيه منهم عشرين جنيه للاوضة الخشب الي عايشة فيها تحت الكوبري
تفتكر بعد كل ذلك انه يوجد لدينا ازمة
اذا كانت الازمة موجودة بدون ازمة
فاذا زادت عليها ازمة فتصبح ازمة الازمة
وما دام كده كده فيه ازمة
يبقى ازمة الازمة ملهاش لزمة
وعجبي

هل تعتقد بعد كل ذلك ان يكون لدينا ازمة عالمية او نحاربها ؟؟
نعم ام لا

التاج الاول

2009-04-06T05:17:00.000-07:00

طبعا طبعا احب اشكر نوارة صاحبة مدونة نوارة فن الجمال مش عارف بالظبط انا عملتلها ايه عشان تدبسني في تاج وعموما ربنا يستر

بسم الله الرحمن الرحيم

اسمك ؟

عمرو سيد

المشهور بيه وسط اصحابك؟؟

اصحاب اخيا بيقوليلي عمرو السيسي نسبة لاخويا

اصحابي بيقوليلي بيس يا مان

لقب العائلة تعلب

سنك؟

20 سنة و شهرين و 14 يوم

مجال دراستك؟؟

التاريخ

اسم مدونتك؟؟

كانت (تحت العشرين ) وبقت امبارح كان عمري عشرين

صورتك بتعبر عن ايه ؟؟

مش مهم انت بتحب مين المهم مين بيحبك

هل فكرت في اغلاق المدونة ؟ الاسباب ؟

عمري ما فكرت اقفلها وهقفلها ليه ادام كتاباتي بتعجب المدونين

ايه رد فعلك لو حد قل ادبه في تعليق؟؟

طبعا همسح التعليق لو كان في قلة ادب تجرح مشاعر القراء وهروح مدونته واقله شكرا على تعليقك لان الاناء ينضح بما فيه

اسوأ مدونة؟؟

تقريبا المدونة الي دخلتها مرة واحدة ومدخلتش تاني عنده

هيحصل ايه للايميل بعد اما تموت؟؟

ربنا يتولاه ما انا مش هدي اسراري لاي حد

اديت الباسورد لحد قبل كده؟؟

لا طبعا لان الايميل من اسراري الشخصية جدا

السفر بالنسبة ليك؟؟

متعة شخصية ومغامرة و استكشاف كل ما هو جديد ونفسي الف مصر كلها وبعد كده الف العالم الرعبي من المغرب لقطر

المود بتاعك ايه؟؟

بحب الضحك جدا والهزار وبكره النكد مووووت

بتعمل ايه في وقت فراغك؟؟

وقت فراع ايه الي انت جاي تقول عليه انت عارف قبلا انا بعمل في حياتي ايه تصدق .. تقريبا معنديش لان حياتي متربسة ومتكدسة بحاجات كتير وانا مبسوط بكده

اكلتك المفضلة ؟؟

البانيه مع المكرونة او الفراخ مع الملوخية و المحشي او النواشف كلها و اللوبيا

الصفات التي اخذتها من والدك ؟؟

العصبية و الطموح والحق و العقلانية في الحكم

الصفات التي اخذتها من والدتك؟؟

الحنية والطيبة و الحب و اني مخفش اقول الحق

اكتر ست حاجات بتحبها ؟؟

السلام

الوطن العربي

معارفي (اخواتي وولادهم وبابا وماما و الاصدقاء و حبيبتي)

القراءة

الرياضة

السفر

اكتر ست حاجات بتكرهم؟

اسرائيل

الانشقاق العربي

الظلم

الكدب

الجهل

العناد السلبي

شخصيتك نوعها ايه؟؟

هادئ و عصبي و رياضي و عقلاني زي ما بيقولوا (صدر حنين لكتير من الناس)

لماذا دخلت عالم التدوين؟؟

انا حابب الكتابة وحلمي اني اشغتل صحفي او مذيع فقولت اشوف القبول عند المدونين هيبقى عامل ازاي ولغاية دلوقتي الحمد لله

في شوية قبول وبعدين حد قالي على البلوجر فسجلت فيه وبدات انزل الاشعار بتاعتي و في حاجات اتظلمت زي بوست بن الذوات

لاني مكنتش معرف ناس كتير بالمدونة

اجمل كلمة اتقالت في وصف مدونتك؟؟

كل كلمة حلوة اتقالت في المدونة يعني بجد مدونة جميلة و رائعة ومفيدة

اهمية التعليقات؟؟

مقدار نجاح البوست الي نزلته

احلى بوست كتبته و اللينك واذكر الاسباب؟؟

رسائل عاشق والسبب اني كتبتها بكل مشاعري واحاسيسي وكلماتي لحبيبتي

واللينكhttp://amrsayed23.blogspot.com/2009/02/blog-post.html

افضل مدونة قرأتها؟؟

كل المدونات الي بزورها واسيب تعليق فيها يبقى مدونة عجبتني لان بجد عندنا في العالم العربي مدونين جمال اوي وهم دول امل المستقبل

افضل بوست؟؟

مفيش بوست محدد لان بجد انا بشوف تحف فنية مش بوستات

الشغل بالنسبة ليك؟؟

علامة على تقدم العمر و تحمل المسئولية

الانترنت ؟؟

اتصالي بكل ما هو جديد في العالم ومقدرش اعيش من غيره

اهداء التاج؟؟

مش حابب ادبس حد والي يعجبه ياخده

بلد الامن والامان

2009-03-27T09:10:00.000-07:00

خير اللهم اجعله خير

جاني خبر التفجيرات

حسيت ان واحد من اهلي مات

قلت ليه

طب ازاي

طب بكام

باعوا البلد للئام

كل ديه اسئلة في الاذهان

قلت مين قتل مسكين

طب حد مات

من سكات في التفجيرات

قالوا طفلة وكام اجنبي والباقي اصابات

لمصلحة مين

يبيع سنين من الامان

لما تتضرب اجنبي

طب والنبي

ده اسمه كلام

ده ضيف عندك

جوه بلدك

وعايز تضربه بالنعال

شيل الكلام ده من دماغك

وتفكيرك في الارهاب

لا عمر ده كان من الدين

ولا من عوايد الاسلام

لمصلحة مين

تشمت فينا الامريكان

وكمان ولاد العم سام

بحجة ضاع من مصر الامان

قلت مجنون الي يموت

ويموت معاه الابرياء

بيجروا على لقمة عيشهم في الزحام

وامنيتي الي عملها يبقى في خبر كان

او اشوفه في بدلة الاعدام

وميستهلش يبكي عليه حد

الي عايز الجبل ينهد

جبل الامان

بنناه زمان

بدم شعبنا الي مات

ويا ريت الاقي لسؤالي جواب

قبل ما يدخلوا علينا الذئاب

ومن سكات خلص الكلام

وهتفضل مصر بلد الامن والامان

تملي غتيت

2009-03-18T12:29:00.000-07:00

دائما ما نصادف اشخاص غير مؤهلين للتعامل البشري او يكون لديهم عيوب واضحة ظاهرة عيانا بيانا لمن يراهم فينفر عنهم ممكن ان يكون ذلك هو طبع مكتسب او طبع اصيل فمن هؤلاء من يصيبك بضرر مباشر او غير مباشر لمجرد تعاملك معهم ومن هؤلاء الاشخاص من نطلق عليهم الرخماء او الغلسيين حتى وقع اختيارنا على اسم يدل على شخصيتهم هو

تملي غتيت

هذه الشخصية موجودة في حياتي قهرا معنديش اختيار اني انفضلها او اقلبها بس على اد الامكان بحاول ابعد عنها عشان ربنا يكفينا غتاتها هحكيلكم شوية مواقف حصلت وانت احكم بنفسك بقا على الشخصية ديه

خد عندك يا سيدي

تعارفنا كان من الحي الي عايش فيه كنت بنلعب كورة مع بعض في الشارع يا عم نوادي ايه كبر الشارع عندنا واسع المهم دخلت جامعة القاهرة وهو بعديها بسنتين او سنة تقريبا حصلني على الرغم انه اكبر مني ب3 سنين متفهمش ازاي .

تملي غتيت: عمور عامل ايه وايه اخبارك انت في ايه

انا جامعة القاهرة

تملي غتيت :طب كويس ده انا هناك نتقابل طب هات رقمك ( كانت اكبر غلطة في حياتي ) لغاية دلوقتي الحياة تمام خالص مفيش مشاكل ولا اي حاجة اصبر بقا مستعجل على رزقك ليه التقيل ورا اتصل بيا في يوم عمرو انت فين انا في الدقي رايح الجامعة طب لما تيجي رنلي رحت الجامعة نسيت ارنله (حكم الشن بقا يا ابني ) قابلته

تملي غتيت : الله عمرو انت الشباب عندكم كويسين .

انا : طب ما تيجي تقعد معانا يا تملي (تاني اكبر غلطة في حياتي )

تملي غتيت : طب قشطة بكرة بقا .

تاني يوم جه تملي قعد معايا والحياة لسه وردي وانا جنبك وانت جنبي وتمام خالص وانا في دماغي سؤال طب ليه ملهوش اصحاب وبعدين ده سنه كبير المهم قولت في قرارة نفسي ديه مراهقة متاخرة عايز يعيش معانا خلال اسبوع بقا اتصل بيا اكتر من كتير اوي كده من المرات لغاية اما زهقت قابلته تاني قعدنا مع الشلة الجميلة اللطيفة بتاعتي دخلت واحدة زميلتنا عمور عامل ايه ايه اخبارك بتاع ابص لصاحبنا تملي غتيت الاقيه هياكل البت رحت غمسته انه يتقل وبعد كده عرفته بعد اما مشيت

تملي غتيت : عمرو انا عايزك تقربني منها عشان عايز ارتبط بيها .تخللوا من اول مرة قلت بس الواد وقع وبتاع

شوية دخلت واحدة تانية عمور هارتي ايه اخبارك مبتسالش وبتاع قلتها اه معلش بقا ظروف عموما هكلمك باليل بس بابا عيان دلوقتي انا: الف سلامة ربنا يطمنك عليه بعد اما مشيت

تملي غتيت : عمرو انا عايزك تعرفني عليها عشان عايز ارتبط بيها . تخللوا تاني بنت في حوالي ربع ساعة

كل شوي علي كاتخنقت انا بقا رحت منفجر ايه يا ابني انت عايز مين ولا مين ارسالك على حل يا عم الحج

انا عديت كده هو انا عرفته على كام بنت كان عايز يرتبط بيها حوالي 7 او 6 تقريبا و كلهم بيقابلوه بالرفض واحنا اصحاب بس يا تملي وصلت انه هزء واحدة نفضتله انما صحيح تملي غتيت بس الحمد لله مبقاش يسالني على حد تاني عشان قطعت الحوارات جيه ما بنا طب والله العظيم مرة كنت واقف مع المدام ومكنش يعرفها قالي عرفني عليها عشان ارتبط بيها افتكرته بيهزر طلع بيتكلم بجد قولتله ديه المدام يا تييييييييت وكلام من ده بقا

خد عندك موافق تانية يا سيدي انت هقت اصبر التقيل لسه جاي

بس كله كوم وحوار السجاير ده كوم تاني تملي غتيت ده معاه فلوس يعني ممكن يشتري سجاير متخصص سلف سجاير من صحابنا لدرجة ان الكافيه الي بنقعد عليه بدأ يستلف من الواد الي شغال فيه يا ساتر عليك تملي غتيت وبعد اما مثلا ياخد السيجارة من الواحد يا جماعة شوف احترم فلان ده ياهوي ده كمان بيديني الولاعة اولع السيجارة على اساس يعني ان قال ايه بقا عنده سينسور واشعال ذاتي للسجاير ما هو لازم هيديك سيجارة وولاعة عشان تولع

خد عندك اخر موقف بتاع النتيجة

الواد ده يا جماعة وشوا فقر على اي حد عندنا اصحابنما في تجارة حوالي 18 او يزيدون كلهم جايبين مواد الا واحد بس مع العلم انه فيه كذا واحد كويسين بيجيبوا جيد و كده ده حتى جاب النتيجة لنفسه شال مادة الواحد ممكتن يكون عايز يخدم بس مش لدرجة اني اجيب لصحابي كلهم النتيجة مثلا لو لقى نتيجةوحشة يتصل بصاحبها ويقوله ايه بقا لو شايل مادة محمد بيسلم عليك ولو اتنين محمدين بيسلم عليك لو ازيد لا قدر الله يقولو امة لا اله الا الله بتسلم عليك مش ممكن يخرب بيت خفة الدم الي طالعه منك تملي غتيت بجد مش معقول

يبلغ النتيجة الوحشة لصاتحبها وضحكة صفراء شقراء زي العيال بتوع الاجانب الرخمين دول بس والله الحمد لله ان نتيجة الكلية بتظهر في الساحة مش على النت . بجد انا شيلت مواقف كتير جدا جدا جدا من موافقه وهو بجد شخص مصلحجي جدا يتتصل الصبح بواحد صاحبنا ينزل معاه الجامعة عشان العربية واول ما يوصل الجامعة يتصل بواحد تاني لو ملقاهوش عشان البنات ( ده طبعا بعد اما عرف ان مش ورايا رجا ) لدرجة ان اخر مرة اتصل بيا فيها كانت من حوالي 3 شهور عشان ياخد النضارة بتاعتي وتخللوا اتصل الساعة 3 الفجر عشان ياخد النضارة عشان فيه بنت معينة نازلة بكرة والله اتصل بيا حوالي 4 مرات في الفجر عشان النضارة كل مرة بعتذرله بحاجة شكل يالهوي يا جدعان على ديه شخصية قرفت اهلي البعد عنها غنيمة

انا بنصح كل واحد يعرف تملي غتيت يبعد عنه شوية بشوية عشان ميتعديش لانه فيروس بجد ولطلبة الثانوية العامة قبل ما تدخلوا الكلية اعرفوا بتطلع ع النت ولا ع الساحة بتاعة الكلية .

انا بنصح كل واحد فيه عيب من العيوب ديه يعيش للناس وبلاش طمع و لا مصلحة حاول تنفع الناس دور على حقوق الناس قبل ما تاخد حقك هل انا متحامل ع الشخصية ديه بتاعة تملي غتيت ولا هو فعلا تملي غتيت؟

واتلي اسمه ايه ده ... محمدين بيسلم عليك ياتلي في بالي

جديد

2009-03-15T13:59:00.000-07:00

لحبيابي واصدقائي المتابعين لمدونتي الصغنونة لسه هفتح ركن جديد بعنوان (ع البسطة ) هتناول فيه شخصيات مبالغ فيها كده زي سعيد اردغانة و كلماتا الحرامي و ممكن تلاقيني جايب في سيرة حد من اصحابك او جايب في سيرة حضرتك طبعا من غير قصد لان الشخصيات هتبقى حقيقية بس هرككز كتير على عيوبها يمكن حد منهم يقراها و ياخد باله ان ده عيب مش ميزة وبعدين هيطلع منك واحد رخم دكه انا عارفة وشايفة ايوا سامعك يالي بتقول اشمعنا ع البسطة متسميها ع السلم طبعا خفيف يا واد هقولك بقا يا سيدي اولا ع البسطة ليه لان حضرتك لو وقفت ع البسطة كده بتاعة السلم عندكوا هتلاقي ان الناس الي فوق مش شايفينك والناس الي تحت مش شايفينك يعني انت حضرتك اوف سايد ولازم تتحسب ضربة جزاء صريحة احم احم احم رحت فين تعالى هنا متهش مني وبعدين متركز عشان متهيس
يعني انا هتكلم عن شخص الي همثله بشخصية الناس الي تحت وهحكيلك عنه انت بقا الناس الي فوق وطبعا انا العامل المشترك الوحيد الي في الموضوع وحضرتك متعرفهوش ولا هو اتشرف بحضرتك وبعدين مضايقنش منك عشان انت بقا رغاي اوي المهم انتظر كده كام يوم عشان تعرف انا بحكي في ايه بالظبط و اسيبك بقا عشان ظهقت منك

سلامووووووووووووووووووووووووووووووووووووز

زيكا يا زيكا

2009-03-08T12:58:00.000-07:00

بهدي الخاطرة لصاحب المدونتين الاشعاريزم والمخرج الي هو اعز صديق زيكا حبيب هارتي والكوتش طبعا سبقتني بالحكاية ديه وانا بهديهاله عشان يترفع من معنوياته المحطمة ويا جماعة ده حق الصداقة عليا مش مهم تكون حلوة بس المهم انها طلعت من قلبي و عشان بقالي كتير مدونتش والي شغال عليه لسه مخلص قررت اعمل البوست ده على السريع لصديقي زيكا تحياتي

زيكا يا زيكا

يا عيدان مزيكا

يا صاحبي ياللي عمري ما هنسيكا

ودايما عملك بوليكا

ولا اجدعها ابو تريكة

وععند كمشاكل مع البولوتيكا

ليه زعلان كل ده عشان حلم المسرحية

وعامل مشاكل مع الرقابة المصرية

يا راجل ولا يهمك فداك مليون مسرحية

اكيد انت عارف انه في بلادنا ديموقراطية

حرية وابداء راي و كلها في السجن مرمية

في بلدنا كل المسئولين اونطجية

واكنهم عايشين في بلد تانية

رشاوي وفساد وكله بالملوخية

بطالة و عطالة و بتمشي بالمحسوبية

معاك فلوس تساوي فلوس

وطبعا على كل الناس تدوس

بحبك يا الي اغلى من الكنوز

وقلبك عندي احلى القصور

رسائل عاشق

2009-02-19T08:14:00.000-08:00

من عاشقٍ إلى معشوقته

اول لقاء بيننا جمعه فسطاط الزهور

وتجملت الحديقة في ثيابها مفتحة الورود

وتفوحت منها العنابر واجمل العطور

وارتفعت حرارة قلبي يومها على الرغم من ربيع الوجود

وعزفت الاوركسترا الحانا وانشدت البلابل الحان الخلود

وكنت اراقب قفازتك خلسة وتراقبينني دون العيون

كنتي بمثابة غزالة شاردة تلهو في السحور

فبدأت كلامي معكي بابتسامةٍ ثم اطلقت لنفسي الوعود

من عاشقٍ إلى معشوقته

اراكي نجمة اضاءت السماء

وكوكب دري قد كسى تلألؤ الماء

وحبك لي رمزا للعشق وللوفاء

فأنتي ..ملكة متوجة على مملكة الحب بلا فناء

وعلامة المملكة على أمد البقاء

من عاشقٍ إلى معشوقته

مهما فرقتنا الديار واعترض على حبنا الوجود

يظل قلبك يزيدني ويشبعني مما يجود

وروحك قد اتخذت من جسدي مسكنا كالقصور

وهتفت جوارحي واركاني فديناك يا رمزا للخلود

وتمخضت قلوبنا واصبح لدينا حب هو مولود

وكأن بينهما حالة عشق ولهان ولدينا رسول

يبلغ اهتزازت قلبي عندما يكون صوتك مسموع

من عاشقٍ إلى معشوقته

من قلبي الى قلبك رسالة

ومن عقلي الى عقلك قناعة

ومن يدي الى يديكي كل سلامة

ومن عيني الى عينيك نظرة وابتسامة

فأصبح لحبكي على قلبي له حق الريادة

من عاشقٍ إلى معشوقته

عندما تهجرين وترحلين عن قلبي وتقولي قصدت الرحيل

أشكو الى الليل ونجومه حالي كيف امسيت وحيد

وأضحى بين احضان الاهل غريب

وبين الاصحاب والملاهي عن ذلكم وتلك بعيد

وكأنني طائر لليل حزين

عندما مُحق القمر من السما وقصد عنها الرحيل

من عاشقٍ إلى معشوقته

تعودي..تعتذري..تقولي ما استطعت غيابك

فعدت لأرتمي في احضانك

وأبيت الليل مداعبة خصالك

وأغازلك حين تتجمل في ثيابك

وأرتوي من بحور الشعر في كلامك

وتغوص وتتعمق في الشعر لتجد لي اوصافاً لتكمل اوصالك

فتحية مني معشوقة ارتوت من عاشقها بكلامك

هذه قصتي

2009-01-23T13:40:00.000-08:00

*اعتذر لشعبي فلسطين عن انني صامت امام العدو وهربت عند اللقاء و لكن كتبت قصتي لو كنت شابا في فلسطين و قد لا يعبر قلمي عما راته عيني من دمار وخراب وسفك للدماء اسف يا فلسطين.

يا ايها العرب جاء عدوكم ليقتلني

يريد ان يبيدني وان يطمس معه هويتي

ويمسح التاريخ والذكريات من وطني

ويكتب حاضره في مكاني

بحبر من دم شعبي و ورقة من هدم داري

اصبعه دوما على الزنادي

ورصيده من القتلا في ازديادي

يملي شروط سلامه على حكامي

سلام مع عدوي رغما عن ارادتي

اوقفوا العدوان بالقوة وانقذوني

او غدا فلتشيعوا جثماني

وتحفروا بذهب على نعشي اي مت في سبيل حريتي ...

يا ايها العرب ...انشدكم ان تتوحدوا

وعلى كلمة تتجمعوا وبفعل تتحركوا ...

يا حكام العرب هذه قصتي

كتبتها بدمائي و شعبي

وكان جثماني هو ورقتي

في ظروف غامضة كانت ولادتي

اول صوت سمعته في حياتي

كان صوت الاذان في اذني

فأعليا كلمة الله والشهادتين و حي على الجهاد

ولكن تداخل صوت لا اعرفه ولا يعرفني

كاد ان يفقدني السمع باذني

فطفقت بسؤال على اهلي

ولكن هيهات ان اخرج كلام من فمي

حيث مازلت في المهد ولست بالمسيح لاتكلم في المهدي

ذاك الصوت كان صوت انفجار عالي

فقدت معه الاماني

وهكذا بدات حياتي وايامي

ففهمت كل شئ دار حولي حين بلغت العشرين من عمري

انني مقيد باغلال في عنقي

فهممت بفك كل قيد عاقني عن حريتي

وكان علي الاختيار مثلي مثل ابناء شعبي

فقلت ستزهق روحي في سبيل ربي

ولو كان لي الف غيرها لاخترت ذات الاختياري

وفي يوم صليت الفجر ثم عزمت امري

وشرعت في انهاء حياتي بيدي

فاخترت سوق لتفجير نفسي

انا و كثير من بني جلدتي

وقبل لحظات من بدأ عمليتي

رايت تلك الطفلة التي سرقت نظري

كانت تائهة فازعة فذكرتني بموت اخيتي

التي كانت تهرول ناقذة عروستها من تحت قدم عدوي

فماتت بجوار عروستها بقذف مدفعي

وتطايرت اشلائها في كل مكان وتناثرت دمائها على وجهي

على الرغم من ذلك ضمتت الطفلة لصدري

مخففا عنها فجائت امها لتشكرني

تذكرت حينها كلام امي ومن قبله كلام ربي ورسولي

يا بني..ما ربيناك قاتلا للاطفال ولا النساء ولا الشيوخ

ولكن ربيناك مجاهدا للحق شموخ

ماعلمناك قتل الابرياء و ما كان رسولك قاتلا للنساء

فعدت عن اختيار افرح به امي

وما امهلني القدر حتى اعود لحضن امي

حيث تم اغتيالي ام داري وامام اعين اهلي وامي

برصاصة حقيرة كان ثمني حين استقرت في صدري

فرأيت الدار يصرخ حبيباااه الي اين انت ذاهب وتركني

وسمعت صوت امي. الي ان انت ذاهب يا ولدي

قلت لها القى وجه ربي

فنادت صارخة حسبتك ولدي عند ربي حسبتك ولدي عند ربي

اليكم يا عربي هذه وصيتي

لا تفرطوا في ثأري

توحدوا ولاتناموا عن اخذ حقي

ولنتقابل في جنات ربي

وإلا فلا نامت أعين جبناء امتي

يا حكام العرب هذه قصتي

تنويه

2009-01-23T13:32:00.000-08:00

انا غيرت اسم مدونتي من باب المصداقية لاني هعبر بكلامي عن مرحلة جديدة و من يومين او اسبوع او سنة كانت مشاعري تحت العشرين بس المهم من غير ما اطول اني غيرتها بقت " امبارح كان عمري عشرين " لكي اقول ان فترة تحت الشعرين والطيش والجنون انتهت وهبدا الجنون بعقل او عقل الجنون بس مينفعش اعيش من غير جنون بس انا مش مجنون وبعدين من الاخر عشان متبقوش زي مجنون كنت هسميها عدة اسامي بس للاسف كان هناك مدونات بتلك الاسامي
والسلام ختام

تعلبيات بلادي

2009-01-05T17:40:00.000-08:00

من يوم ما وعيت ع الدنيا يا بلادي و انتي مقهورة
من زماااااااان يا بلادي وامانيكي مكسورة

من حب شعبي فيكي سماكي معمورة
عشتي يا بلادي حرة منصورة

كل سنة وانتم بخير

2009-01-03T05:39:00.000-08:00

سنة جديدة عدت من عمري و مش عارف ديه ميزة و لا حاجة سيئة ان دايما عيد ميلادي بيبقى قريب من بداية السنة مش عارف ليه كل مرة بحس ان كبرت سنة و عمري بينتهي بسنة بس بجد سنة 2008 كانت سنة غريبة عجيبة فظيعة بكل معاني الكلمات كان اسبوع حلو واسبوع مر بس في نهاية السنة افتكرت انها هتمشي من غير ما تنكد عليا لاني بجد اكتر حاجة كانت بتقلقني هو مستقبلي الي دايما مش شايفه لانه في الغيب بس الحمد لله اخر السنة ديه في حد جمييييييييييييييل جدا دلني انا ممكن اعمل ايه من غير ما يقصد و بجد من يوم ما عرفته بيعلمني حاجات على الرغم انه اصغر مني كفاية انه علمني احلم و احقق حلمي بجد السنين الي فاتت كلها كانت عبارة عن فشل كبير بالنسبة ليا يعني حلمت ابقى لاعب كرة بس طبعا فشلت فشل زريييييييييييع لاني معرفتش حاجات كتير وانا صغير و مكنش حد مهتم و حلمت كمان اكون مهندس و طبعا ده كان اكبر فشل في حياتي لاني تقريب يعني الحمد لله اني نجحت بس اتمنيت حاجة واحدة اني ادخل جامعة القاهرة زي اخواتي والحمد لله ربنا وافقني و دخلت كلية الاداب قسم تاريخ و بجد الحمد لله اني فشلت في ث لان بجد قسم التاريخ علمني حااجات كتير و عرفني اني كنت بفكر غلط و شايف الحياة غلط بس دلوقتي بقيت مختلف اوي عن اول يوم دخلت و اتعلمت في القسم ده
اني افكر بدماغ كبيرة و عموما السنة اتقفلت معايا باحداث غزة و عموما كل سنة وانتم طيبين و سنة 2009 و 1430ه تبقى احسنلكم من السنة الي فاتت و كل واحد عاوز حاجة خير ربنا يساعده فيها و في الاخر بحب اوجه كلمة للناس الي اثرت في حياتي

والدي : ليهم فضل عليا كتير خصوصا والدي الي علمني اصبر و اعافر مع الحياة و دايما باستفاد من خبرته العملية في الحياة العصامية
والدتي: بحب اوجه نداء شكر و عرفان بالجميل لانها بجد ربتني اانا و اخواتي على حنيتها و لم يوم تهت عنها راح اموت و ارجع تاني لحضنها الدافي

و الدي و والدتي : علمونا حاجات مع بعض من خلال تعاملهم .ان انا واخواتي كلنا واحد نزعل مع بعض و نفرح مع بعض قلبنا واحد حبنا واحد وربنا يخلينا لبعض
اخواتي الخمسة : احنا حاجة واحدة منقدرش نتفرق ولا نزعل في يوم من بعض كلنا واحد و لينا قلب واحد نتحرك كجسد واحد و نشتكي كجسد واحد بحبكم يا اخواتي بحبكم اوي عرفت معاكم يعني ايه عطف و حنية بالصغير مقدرتش ابادلكم غير احترام للكبير.

سليم : صديق عمري من يوم ما فتحت عنيا لاقته واقف معايا سننا واحد و مدرستنا واحد و شارعنا واحد و هوايتنا واحدة كل حاجاة بنعملها مع بعض مهما لافنا وبقا لينا اصدقاء كتير بس احنا مع بعض غير اي حد ربنا يخليك ليا

جوجو1 : طبعا احب اوجهلك شكر من كل قلبي طبعا انا مبحبش اقولك غير اسمك التاني علمتيني كتير و فهمتيني كتير و صدقتك ليا اجمل حاجة والفترة الي بتبعدي عني فيها ببقى حاسس اني تايه و مليش حد

جوجو2 : انتي كل حاجة في حياتي بجد انا من غيرك مليش قلب الانسانة ديه حولتني من شخصية تحب نفسها لشخصية بتحب كل الناس كفاية انها علمتني ازاي احس و ازاي اعيش انسان انا عارف انك بتحسي بالكلام ده بس للاسف ملكيش في النت لظروف امنية .
اصدقائي: انتم نبضي انتم حياتي مقدرش اعيش من غيركم يا ساموراي
صديقاتي : انتم اخوتي انتم صغاري و مقدرش اديكم غير حنيتي و طيبتي
اعدائي : هم اعداء ربي و اعداء ديني و اعداء و طني

كل سنة وانتم طيبين و عيد هجري سعيد و كل سنة وانتم طيبين

ضربة حذاء

2008-12-16T04:58:00.000-08:00

***اهداء مني إلى منتظر الزايدي الذي اصبح بطل بضربة حذاء

يــا ايـــــــــها الامراء

يا ايها الحكماء

إنه النداء

يا ايها الاغبياء

جاءت وكأنها مكافأة الانتهاء

حين ضرب بوش بالحذاء

وقال له هذه يا كلب قبلة الوداع

ولكن حادت طريق وجه الشقراء

وابت ان تصبه و كأنها احد العملاء

ضربه منتظر واصبح منتصر

تكالبوا عليه ولكنه انتصر بضربة حذاء

قلوبنا معك يا منتظر يا احكم الحكماء

بدأت بتصريح من زعيم الحمقاء

حيث اعترف انه قد ارتكب الأخطاء

عندما أقام حرب على العراق

و خالطته معلومات مغلوطة بان لديهم سلاح فتاك

وهل نصب نفسه رئيس للرؤساء

ام اصبح دون علمي أمير الامراء

لكي يحكم بحرب على العراق

فما كان من منتظر إلا ان ضربه بالحذاء

و أبشره بأن حربه ستنتهي بخيبة رجاء

وابتدأت من منتظر بضربة حذاء

فما كان منك إلا ان اظهرت جبنك للاقوياء

عندما خفت من الحذاء

واختفيت عن الانظار

ويطالعنا بتصريحه ما كنت خائفا من الحذاء

ايعتقدنا اغبياء؟؟!!!

و من سيصدق زعيم البلهاء!!

اذا لم يكن خائفا من الحذاء

اذا فلماذا مال

أكان يرقص فرحا بقرب الانتهاء

ام فرحه لخيبة الرجاء

ولكن كان فرحه لزوج جديد من الحذاء

فما كان من منتظر الا ان ضربه بالحذاء

يمنة ويسرة و يهرب من الحذاء

واحتمى في الجبناء و العملاء

و هو الذي اعلن حرب على الفرات

حرب لا هوادة و فيها الخراب

وعاث في الارض الفساد

وسفك فيها الدماء

دماء الابرياء

من الاطفال و النساء

واعلن العملاء هم الوزراء

و كأنه طاغوت هذا الزمان

فما كان من منتظر إلا ان ضربه بالحذاء

لعله يدرك ما قد قال

او يفوق من غيبه الذي طال

ويعود ويقول ذلة لسان

و حكام العرب في ثبات

من ميلادهم إلى يوم الممات

فإين انت يا خالد و اين انت يا بن الخطاب

ليطالعنا زعيم الاغبياء

ويقول لم اكن خائفا من الحذاء

وارفع قبعتي شرف لصاحب هذا الحذاء

احترم نفسك

2008-12-09T11:12:00.000-08:00

* اهداء من قلمي الي حملة احترم نفسك التي تدافع عن كل شخص محترم في هذا البلد و بجد لسه فيكي رجالة يا مصر

يا بن بلدي احترم نفسك

الي بتعكسها ديه زي اختك

طب تخيلها زي امك

مالك رحت فين ببالك
ايه رايك لو شافك ابنك

مترد عليا عايز اسمع صوتك

اكيد هيعمل زيك

طب قولها بصراحة

وانشرها في كل اذاعة

ترضى تتعاكس بنتك

ترضى تشوف مراتك

تتعاكس قدامك

كلمة لا هتبقى اجابتك

الي بترضاه لغيرك

ليه مترضهوش لنفسك

ده جدك وصاك وقالك

حب لاخوك

زي ما بتحب لنفسك

كلمة اخيرة لكل بلدك

يا بن بلدي احترم نفسك

بن الذوات

2008-12-08T14:19:00.000-08:00

حلمت يوم اني بقيت من ولاد الذوات

الي بيلعبوا لعب بالدولارات

وبدل الحساب مجموعة شيكات

ومعايا هامر راكنة في الجراجات

وبدل العربية اسطول عربيات

في ساعة العصاري بشرب كنزات

في نادي اسمه الفتيات

وانا ماشي بضحك مع البنات

وبلعب مع سوسو و ميمي و عطيات

لاقتلك ايد اتمدت على الافيات

طلعت مراتي بنت فتكات

و طبعا تمتمت بكلمات

قالتلي قوم ايه حكاية الذوات

قلتلها ده حلم يا اغبى الستات

قالتلي فشر ده انا ست الستات

هي اصلا ست اشهر في الحجوزات

قالتلي ده انت مجنون وعايز السرايات

طب وحياة امي فتكات

لو متبتش عن الذوات

لاطبلك العربيات

يخدوك على السريات

او اضربك في زنقة الستات

واخلي اسمك ذكريات

وتقراه في صفحة الوفيات

قلت في سري ده جزاء الي يتجوز بنت فتكات

الي طلعت اغبى الستات

نــــــــــــــــداء

2008-11-25T16:32:00.000-08:00

حبيبتي ......................... حبيبتي

انــــــــــاديكي كل يوم في مسائي

فلما لا تجيبي ندائي

و اظل في لوعة و اشتياقي

واتساءل الى متى ها الغيابي

حبيبتي........................ حبيبتي

تدمع عيني كل يوم على الليالي

التي قضيناها عند تلك الصخوري

مع صوت الموج وتغريد الكناري

وعشنا فيها اجمل الحظات و الاماني

واسل لما هذا الغيابي

حبيبتي .......................حبيبتي

اناديكي فلما لا تجيبي ندائي

اتساءل متى يعود السمر والامساتي

مع حبيب قضيت معه الليالي

ولا اريد من بعده شئا من حياتي

سوى نظرة منه باشتياقي

اناديكي كل يوم في مسائي

فلما لا تجيبي ندائي