* اهداء من قلمي الي حملة احترم نفسك التي تدافع عن كل شخص محترم في هذا البلد و بجد لسه فيكي رجالة يا مصر
يا بن بلدي احترم نفسك
الي بتعكسها ديه زي اختك
طب تخيلها زي امك
مالك رحت فين ببالك
ايه رايك لو شافك ابنك
ايه رايك لو شافك ابنك
مترد عليا عايز اسمع صوتك
اكيد هيعمل زيك
طب قولها بصراحة
وانشرها في كل اذاعة
ترضى تتعاكس بنتك
ترضى تشوف مراتك
تتعاكس قدامك
كلمة لا هتبقى اجابتك
الي بترضاه لغيرك
ليه مترضهوش لنفسك
ده جدك وصاك وقالك
حب لاخوك
زي ما بتحب لنفسك
كلمة اخيرة لكل بلدك
يا بن بلدي احترم نفسك
هناك 8 تعليقات:
بجد انا لما دخلت فرحت اوي عشان انت كاتب حاجه علي الحمله
رغم انني مش مشاركه فيها اوي بس جميل انك تشارك حتي لو بحاجه كاتبها
بجد تحفه ياعمرو
تحياتي
الى hager za3bal
بجد شكرا كتير على تعليقاتك و طبعا من غيرك مكنش هيبقى فيه اي تعليق ههههههههههههههههههههههه منوراني والله يا سيدتي
كلمات بسيطه اوي
لكن عميقه جدااا
وليها الف معني
تشرفت بمرورك
واتمني تقبلني صديقه لمدونتك
DoNyA
بجد شكرا كتير لمرورك بمدونتي وشرف كبير جدا ليا لو تكوني صديقة مدونتي
تحياتي اليك
جميل اوي اوي اوي
بجد التحرش دة بقى
زي ازأزة اللب للشباب
اي واد مهيس بيستهبل على
اي بنت حتى لو كانت محترمة
بجد موضوعك دة بيناقش
مشاكل كتيرة اوي
لان سبب التحرش دة مترتب
على 10000000000000 مشكلة
منها البطالة و ازمة الزواج
و المخدراااااااااااات
و ننهي بالمخدرات سامو عليكو
يا معلم ;)
ANGHAM ALLAM
angham allam
بجد نورتيني فعلا سبب المشكلة 1300 حاجة بس لازم نعترف برده ان المجتمع اخطا في حق نفسه الاب و الام قد اخطا في التربية فنشا شاب لا يعرف العيب وبنت لا تعرف معنى للحياء.
وارجوكي بلاش ريحت المخدرات عشان بتدوخني او تلاقي البلوج مقفول لدواعي مزاجية
أوافقك تماما
لكن أحب أن أضيف
أن حل مشكلة المعاكسات دى له أكثر من جانب
و مينفعش بس ننصح الشخص اللى بيعاكس
التربية اللى مسئول عنها المجتمع كله و الاسرة تحديدا ليها دور
البنت اللى ماشية فى الشارع مش محجبة تماما هى سبب فى الأزمة
الاعلام اللى بيطلع الواد الصايع اللى بيعاكس بنات هو الاصل و هو المدردح
و الواد المحترم ده مقفل و متدين و متزمت
لازم القضية تنحل من كل الجوانب
مش بس نقول للى بيعاكس احترم نفسك
تحياتى ليك يا عسل
د.حماس
الحقيقة ...حلوة
مشاركة جميله لعالم المحترمين
تحياتي
إرسال تعليق