كله عايز منك كله عايز منك و انت في الاخر طظ بقا مش مهم ايه المشكلة يعني لازم تستحمل ولازم تتحمل ولازم و لازم هو ليه مفيش لازم واحدة عليهم هم ؟
ليه مفيش لازم ان العيلة تحس وان الاصحاب يحسوا و ان القريبين منك يحسوا مش لزام تتكلم عشان الناس تعرف اللي جواك ان حبيبتي بتحس بيا من غير ما اتكلم لما ابقى تعبان بس الاقي رسالة تطمنك وتفرحك لما تبقي نايم و غرقان في النوم تلاقي موبايلك بيرن في وقت متاخر وانت عندك شغل بكرة عشان تقولك بس "وحشتني " تصحيك الصبح اكنك ابنها عشان تروح الشغل ينعل ابو ده حب ملعون ابوه ميت مرة
لسه كل اللحظات عايشة معاك لدرجة ان كل الاماكن اللي دخلتها معاها مش عايز تدخلها عشان متفتكرش اي حاجة رغم انك منستش ساعات كتير بحن للاماكن كله ا وببقا نفس اروح للاماكن دي واحس فيها نفسها و برفانها و اسمع كلماتها و اتووووه مع منظر الدرب الاحمر و القاهرة المزدحمة من فوق الازهر
ساعات بحس اني مكنتش استاهل حبها ساعات كتير بحس ان حبي ليها كان كتير اوي انا مش عارف هي عاملة ايه دلوقتي بعد اما سبتها تخيلوا " انتوا مين اساسا عشان تتخيلوا معايا انا متأكد ان محدش هيقرا مين هيحب يزود الم على المه " واحد كنت انت كل حاجة في حياته ااخوها و جوزها و حبيبها و عشيقها و ابوها و كل حاجة ربتها على ايدك فتحت عنيها على كل حاجة في الدنيا كنت بترسم شقتك ازاي هتكون والعيشة هتكون ازاي عودتها على كل حاجة حافظ يومها و حافظة يومي و بنساعد بعض على ده يااااااااااااااااه انا موجوع اوي بقالي كتير و الهم بيزيد و الحمل بيتقل كل يوم نفسي اروح البحر اغتسل من جنابة الهم و مش عارف انا بكتب كل ده ليه دلوقتي و لا ببكي على ايه و لا عليها والليس مستغربله انها نسيت او تناست او معرفش حل ايه بس اتخطبتب مرتين تلاتة كده ومش عارف ليه مصممة انها تكلمني كل فين و فين كل اما افتكر ال3 سنين دول بتعب اوي ازاي قدرت افرط في ده كله و يهون عليا لمجرد اني شخصية ملولة او اني زهقت او مش عارف في ايه كنت دايما بقرا رسايلها بالليل في نفس الوقت اللي كانت بتبعتها فيه و اتمنى احس معاها بطعم الحضن زي ما حسيته اول مرة و حسيت اني مبسوط كده والسعادة هنا بجد انا تعبان اوي و نفسي ارتاح
عايز ارتاح بجد
هناك 3 تعليقات:
قولى تجااااااااربك ...
وكل حد يقول تجاربه واكيد هيضيف للكل الكثيييير
بصراحة أنا مش فاهمة اصل الموضوع بس لو هى اللى سابتك يبقى لازم تلغيها من حياتك وماتسمحش ليها انها تكلمك تانى ولا انك تكون مجرد تسلية بين خطوبة والتانية , انما لو انت اللى سبتها يبقى كل وجعك دا مالوش أى معنى ومش مفروض تلوم اى حد غير نفسك لأنك وقتها هتكون أنت اللى ضيعتها
Wow, this is very interesting to read. Have you ever considered submitting articles to magazines?
Its Pleasure to realize your blog.The above articles is relatively extraordinary, and I extremely enjoyed reading your blog and points that you expressed. I incredibly like to glimpse back on a typical basis,post additional during the topic.Thanks for sharingkeep writing!!!
I wanted to thank you for this great read!! I definitely enjoying every little bit of it I have you bookmarked to check out new stuff you post.
obst und gemüsereiniger
إرسال تعليق