سالت نفسي انا مين
شرد ذهني وكتب قلمي شخابيط
اسمي مكان وميلادي
كان من سنين
انا برج ايه القاهرة
زي كل المصريين
ودمي بيجري جواه النيل
بس برده انا مين
قلمي صاحبي الجديد والعتيد
اصل الي باعغوني كتير
والي اشتراني بالرخيص
هيمهنيش كل دول
الي يهمني انا مين
عايش وحيد في كوكب بعيد
المشترى زحل ولا انا من المريخ
عايش هناك والسما وويانا غريب
نحكي لبعضنا
نشكي لبعضنا
وابتسامتنا ديه على الخدين
بس محدش قالي انا مين
في اسكندرية
ساعة المغربية
شايف البحر والشمس فوقية
مرسومين جوه عنيا ولا اجملها اغنية
محدش رد عليا انا مين
انا عاشق ولهان
بحب من زمان
في خيالي بنت الجيران
ولاهي معبراني بصة
وان بصت تبقى احسان
زهقت بجد انا مين
خاتمي في ايدي اليمين
حظظتي في شمالي مع ساعتي الستيل
دلاية سلسلتي خرطوشة
لملكة او ملك كان من سنين
عرفتوني انا مين
انا شوية كراكيب على الرف مركونة
او يمكن شتلات في الارض مزروعة
يمكن اكون مقبرة لمصري في الارض مدفونة
ويمكن حرف في كلمة على جدار المعبد محفورة
هناك 21 تعليقًا:
الحمد لله انك خلصت الامتحانات خلاص
يارب ناجح وبتقدير عالي كمان
كلماتك جميلة جدا
دايما بنسأل نفسنا السؤال دا لكن مش بنلاقي اجابة
الانسان مجموعة مشاعر متقلبة وعايش بزمن متعب ومش قادر يحقق ابسط احلامه
فتلاقي عنده شوية تراكمات وضغوطات
عجبني اسلوبك جداا
فرحت برجوعك من تاني ليك وحشة والله
بالتوفيق يارررب واستنى مني احلى تورتة ^ـ*
سي يو :)
فعلا
انا ميييين؟!!!
كلماتك جميله واختيار موفق
ياااااااااااااااااااااااه
انا مين؟؟؟؟؟؟؟؟؟؟؟؟؟؟
سؤال كنت بحاول كتير اجاوب علية بس صعب الاجابة علية اوى
متفكرش كتير فى اسئلة فلسفية من كتر التفكير فيها ممكن تتلغبط
وتنسى بجد انت مين
بس جميلة اوى تحس كأنك بتوصف كل حتة فى بلدك
وحشتنى كتاباتك
انا شوية كراكيب على الرف مركونة
او يمكن شتلات في الارض مزروعة
يمكن اكون مقبرة لمصري في الارض مدفونة
ويمكن حرف في كلمة على جدار المعبد محفورة
عجبتني اوي الرباعيه دي..:)
جميله اوي
تسلم ايديك يا عمرو
ايه يا عم النشاط ده
رجعت وبقوه
وكمان عملت نيو لوك للبلوج ;)
حلو النيو لوك ده :))
أكتر حاجة أقرأها لك و تعجبنى يا عمورة بجد
جامدة جداااااااااااااااااااا
الله بجد عليك
ايه الكلام الجميل قوى ده
كل الكلام علشان سألت نفسك انت مين
يااااااااااه
بصراحة مجموعه كلمات تحفة
تسلم ايدك
مع انى كنت جاية عايزة اتخانق معاك
بس سماح المرة دى خلاص
عشان خاطر الكلام الحلو اللى بجد هز القلب
مش قولتلك انا مش كنت مرتاحة من اخر بوست v_v
مالك ؟؟ يارب تكون بخير و تكون الامتحانات عدت على خير
صحيح هى المدونة اتعملها نيولوك اكيد .. لكن الاسم !!!!!
يارب يكون التغيير ده خير
اما عن السؤال .. هقولك انت انسان
فكر فى معنى الكلمة دى مش فى السؤال
هتلاقى الاجابة
^_^
نوارة
الحمد لله عدت على خير او شر مش مهم اهم حاجة انها عدت انا بجد الي فرحت برجوعي ليكم وبعدين انا اصلا لسه ملقتش جواب انا مين
عايش ... ولكن
شكرا ليك وزيارتك نورتني
تحياتي
حبيبه سي السيد
اهم حاجة انك رجعتلنا بالسلامة بعد عنادك الطويل انك مترجعيش ههههه
بس رجعتي بماساة وكارثة بشرية
اما عن موضوع الاسئلة الفلسفية لازم نتفكر ونتدبر يمكن نقدر نوصل لحاجة تفدنا اكتر من مرة ربنا قال في القران "افلا تتدبرون""افلا تعقلون"
بس كتر الاسئلة ديه بتجنن وانا خلاص لسعت انا فعلا حسيت بكل كلمة كتبتها وقولتها
وبجد تعليقاتك هي الي وحشتني
تحياتي ومتغبيش عننا
هاجر زعبل
بجد شكرا لكلامك الجميل بس ركزي شوية في المعنى تاني هتفهمي قصدي ايه
وتسملي تعليقاتك الي بتضفلي الكتير
النيولك ده اصلا ليه حكاية ورواية بالذات الاسم ده
سارة نجاتي
الله هنخبط بقا ولا ايه يعني اكتر حاجة عجبتك يعني كنت بكتب وحش ومتقوليليش
مش معقول كده
عموما اكيد الواحد كل فترة بيستففيد اكتر وبيبقى عنده خبرة اكتر واكتر تخليه يقدر يوصف صح ويعبر عنها
تحياتي
طائر الليل الحزين
شكرا ليكي كتير يا جميل ولكلامك الحلو ده الي بعتز بيه اوي وبعدين تتخانقي معايا انا ده انا غلباااااااان
ليه بقا تتخانقي معايا دلقتلك شربات على الفستان الي انتي خارجة بيه ها
تتخانقي ليه
sweet violet
فعلا كان معاكي حق لان ابتعادي ده كان ليه سبب غير الامتحانات وهو اني بدات افقد شهيتي للكتابة واكتر من كده افقد الهدف اصلا
وقدرتي تجاوبي على السؤال بمنتهى الفلسفة وحكاية النيولوك هكتبها بعد التعليق ده
حكاية النيولوك انه كان فيه مدون اسمه امبارح كان عمري عشرين وكان عامل المدونة بنفس الاسم ممكن يكون حد صادفه ففي ناس كانت بتتلغبط وتفتكرني هو فقلتله المدونة الاقدم فينا ليها الحق انها تثبت اسمها والتاني هو الي يغيير اسم المدونة فطلعت هو اقدم مني بشهر
وش بيعيط من هنا للصبح
كان لازم من باب الوفاء بالوعد اني اغير اسم المدونة بس ديه كل الحكاية
واختيار اسم كن سعيد كان لسببين
الاول ان الناس بدات تتلاشى من عندها السعادة وتتمادى في الكأبة والحزن وده مش حلو للمصريين عشان احنا شعب نكتة حد يقدر يقولي اخر مرة سمعتي فيها نكتة موتتك من الضحك كانت امتى؟؟
يااااااااااه فات عليها كتير
السبب التاني
المدون العزيز زيكا وصاحبي الانتيخ كنت احب اسمع من موال كن سعيد لبلاك تيما واحب اسمع الاغنية منه لانه اداءه فيها بيكون ججامد
عشان كده غيرت الاسم وتوتا توتة خلصت الحدوتة
ايوة انا فعلا كنت دايما بتلخبط بينكم لان الاتنين عندى فى الرديدر O_O
بس هو الاسم جميل جدااا .. بس يارب يعنى نكون احنا اول مانعمل بيه هه واخد بالك معايا ^_*
اما بقى اخر نكته تخيل فعلا من زماااااااااااااااااااااااااااااااان مش سمعت اى نكته v_v
و كمان انت مش بقيت تناكف ليه فى ضد التيار عاااااااااااااااااااااااااااا
انا زعلاااااااااااااااااااااااااااااااااااااااانة بقى هه
v_v
زهرة البنفسج
اي خدمة دلوقتي مش هتتلخبطي عشان تعدي الجمايل
وبعدين موضوع النكت ده تاعبلي قلبي ليه بقا عشان كنا بنسخر من اي موقف مش عاجبنا بالنكت نتريق بالنكت ناكل بالنكت والله الدش ده قل مزاجنا حتى انا اخر نكتة سمعتها كانت قليلة الادب وكانت وحشة كمان بقا عندنا مشكلتين نكت وحشة وكمان قليلة الادب هو ده بقا حال البلد نضحك بالعافية وان ضحكنا تبقى شر البلية ما يضحك
انا اقدر مناكفش في قلبي ضد التيار يا لهوي لالالا ميهمنش عليا زعلك من بكرة الصبح هتلاقي كنافة ونكافة وشكافة
حلوه اوي يا عمرو
اسوا حاجه في الدنيا لما تكون مش عارف انت مين
يا كراكيب ياخويا :D
اسماء
اكيد كلنا بنلف و بندور عشان ندور على اجابة لسؤال احنا مين
نورتيني يا اخت كراكيب
إرسال تعليق