الثورة والثروة

كان زمان بين الثروة والثورة فروق
زي الفرق بين الالف والنون
لكن في زمنا اجتمعوا واصبحوا ان تكون
تملك سلطة وكرسي تدوس على الكون

ورقة شجر

العمر زي ورق الشجر
على كل ورقة انكتب فيها القدر
يا تزهزه وتكبر وتخضر
او تدبل و تقع من ع الشجر

انا مين

سالت نفسي انا مين
شرد ذهني وكتب قلمي شخابيط
اسمي مكان وميلادي
كان من سنين
انا برج ايه القاهرة
زي كل المصريين
ودمي بيجري جواه النيل

بس برده انا مين

قلمي صاحبي الجديد والعتيد
اصل الي باعغوني كتير
والي اشتراني بالرخيص
هيمهنيش كل دول

الي يهمني انا مين

عايش وحيد في كوكب بعيد
المشترى زحل ولا انا من المريخ
عايش هناك والسما وويانا غريب
نحكي لبعضنا
نشكي لبعضنا
وابتسامتنا ديه على الخدين

بس محدش قالي انا مين

في اسكندرية
ساعة المغربية
شايف البحر والشمس فوقية
مرسومين جوه عنيا ولا اجملها اغنية

محدش رد عليا انا مين

انا عاشق ولهان
بحب من زمان
في خيالي بنت الجيران
ولاهي معبراني بصة
وان بصت تبقى احسان

زهقت بجد انا مين

خاتمي في ايدي اليمين
حظظتي في شمالي مع ساعتي الستيل
دلاية سلسلتي خرطوشة
لملكة او ملك كان من سنين

عرفتوني انا مين

انا شوية كراكيب على الرف مركونة
او يمكن شتلات في الارض مزروعة
يمكن اكون مقبرة لمصري في الارض مدفونة
ويمكن حرف في كلمة على جدار المعبد محفورة

تعلبيات بلادي

من يوم ما وعيت ع الدنيا يا بلادي و انتي مقهورة
من زماااااااان يا بلادي وامانيكي مكسورة

من حب شعبي فيكي سماكي معمورة
عشتي يا بلادي حرة منصورة